ଏହା ଓଡିଶା ପାଇଁ କ୍ଷତି : ଧର୍ମେନ୍ଦ୍ର
ଏହା ଓଡିଶା ପାଇଁ କ୍ଷତି : ଧର୍ମେନ୍ଦ୍ର
admin
3806
ଭୁବନେଶ୍ୱର: ପିପିଲି ପାଇଁ କଂଗ୍ରେସ ପ୍ରାର୍ଥୀ ଅଜିତ ମଙ୍ଗରାଜଙ୍କ ଦେହାନ୍ତରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଶୋକପ୍ରକାଶ କରିଛନ୍ତି । ସେ କହିଛନ୍ତି ଯେ, ଏହା ବିଶ୍ୱାସ ନକରିବା ଭଳି ଖବର, ଅଜିତ ଭାଇ ଜଣେ ମୋର ବନ୍ଧୁ ଥିଲେ । ସେ ଜଣେ ଭଲ ସାମାଜିକ କର୍ମୀ ଥିଲେ । ଏହା ଓଡିଶା ପାଇଁ ଏକ କ୍ଷତି ବୋଲି ଧର୍ମେନ୍ଦ୍ର କହିଛନ୍ତି ।
ସୂଚନାଯୋଗ୍ୟ ଯେ, ନିର୍ବାଚନ ପ୍ରଚାର ବେଳେ ସ୍ୱର୍ଗତ ମଙ୍ଗରାଜ ଅସୁସ୍ଥ ହୋଇ ପଡିବାରୁ ତାଙ୍କୁ ପ୍ରଥମେ ଡେଲାଙ୍ଗ ମେଡିକାଲରେ ଭର୍ତି କରାଯାଇଥିଲା । ତେବେ ସ୍ଥିତିରେ କିଛି ଉନ୍ନତି ନହେବାରୁ ପରବର୍ତୀ ସମୟରେ ତାଙ୍କୁ ଆପୋଲୋ ହସ୍ପିଟାଲରେ ଚିକିତ୍ସିତ କରାଯାଉଥିଲା । ସଦତମ ସୂଚନାନୁଯାୟୀ ଆପୋଲୋରେ କରୋନା ସହ ଲଢି ତାଙ୍କର ମୃତୁ୍ୟ ଘଟିଛି । ଆସନ୍ତା ୧୭ରେ ପିପିଲିରେ ଉପନିର୍ବାଚନ ପାଇଁ ଦିନ ଧାର୍ଯ୍ୟ ହୋଇଥିବା ବେଳେ ପ୍ରଚାର ପାଇଁ ହାତରେ ମାତ୍ର ୨୪ ଘଂଟା ସମୟ ଥିଲା । ତେବେ ନିର୍ବାଚନ କମିଶନଙ୍କ ଗାଇଡଲାଇନ ଅନୁଯାୟୀ ନିର୍ବାଚନ ପୂର୍ବରୁ ଯଦି କୌଣସି ପ୍ରାର୍ଥୀଙ୍କ ବିୟୋଗ ହୋଇଥାଏ । ସେ କ୍ଷେତ୍ରରେ ନିର୍ବାଚନ ଘୁଂଚିଥାଏ । ଏନେଇ ଇସିଆଇ ପକ୍ଷରୁ କୌଣସି ସୂଚନା ମିଳିନଥିଲେ ମଧ୍ୟ ନିର୍ବାଚନ ଘୁଂଚିବା ଏକରକମ ସ୍ପଷ୍ଟ ହୋଇଯାଇଛି ।
