ଏଥର ବିଧାନସଭାରେ ରହିବ ପ୍ରଶ୍ନକାଳ : ବାଚସ୍ପତି
ଏଥର ବିଧାନସଭାରେ ରହିବ ପ୍ରଶ୍ନକାଳ : ବାଚସ୍ପତି
admin
5015
ଭୁବନେଶ୍ୱର: ଆସନ୍ତା ୧୮ ତାରିଖରୁ ବିଧାନସଭା ବଜେଟ ଅଧିବେଶନ ଆରମ୍ଭ ହେବାକୁ ଯାଉଛି । ଏହି ବଜେଟ ଅଧିବେଶନକୁ ନେଇ ବାଚସ୍ପତି ପ୍ରତିକ୍ରିୟା ଦେଇଛନ୍ତି । ଚଳିତ ଥର ପ୍ରଶ୍ନକାଳ ରହବି ବୋଲି ବାଚସ୍ପତି ସୂର୍ଯ୍ୟନାରାୟଣ ପାତ୍ର କହିଛନ୍ତି ।
ବାଚସ୍ପତି ଆହୁରି କହିଛନ୍ତି ଯେ, ବିଧାନସଭାରେ କୋଭିଡ କଟକଣା ରହିବ, କିନ୍ତୁ କିଛି ନିୟମ କୋହଳ ହେବ । ବିଧାନସଭା ଯିବା ପୂର୍ବରୁ କୋଭିଡ ଟେଷ୍ଟ ବାଧ୍ୟତାମୂଳକ ହେବ ନାହିଁ । ଯେଉଁ ନେତାମାନଙ୍କ ଲକ୍ଷଣ ଦେଖାଯିବ ଆଂଟିଜେନ୍ ଟେଷ୍ଟ ହେବ । ବିଧାୟକ କିମ୍ବା ମନ୍ତ୍ରୀ ଚାହିଁଲେ ଭିସିରେ ନିଜ ଅଫିସରୁ ଉପସ୍ଥିତ ରହିପାରିବେ ବୋଲି ବାଚସ୍ପତି କହିଛନ୍ତି ।
ପ୍ରକାଶ ଯେ, ରାଜ୍ୟରେ ଆସନ୍ତା ୧୮ ତାରିଖରୁ ବିଧାନସଭା ବଜେଟ ଅଧିବେଶନ ଆରମ୍ଭ ହେବ । ୨୦୨୧-୨୨ ବର୍ଷର ବଜେଟ ଫେବ୍ରୁଆରୀ ୨୨ରେ ଉପସ୍ଥାପିତ ହେବ । ଏପ୍ରିଲ ୯ ତାରିଖ ଯାଏଁ ଚାଲିବ ବଜେଟ ଅଧିବେଶନ । କୋଭିଡ-୧୯ କଟକଣା ଅନୁସାରେ ଅଧିବେଶନ ଚାଲିବ । ରାଜ୍ୟପାଳଙ୍କ ଅଭିଭାଷଣରୁ ବଜେଟ ଅଧିବେଶନ ଆରମ୍ଭ ହେବ । ଏହି ଅଧିବେଶନ ବିଧାନସଭାରେ ଦୁଇଟି ପର୍ଯ୍ୟାୟରେ ଚାଲିବ । ଫେବ୍ରୁଆରୀ ୧୮ରୁ ୨୭ ଯାଏ ପ୍ରଥମ ପର୍ଯ୍ୟାୟ ଅଧିବେଶନ ଚାଲିବ । ମାର୍ଚ୍ଚ ୧ରୁ ୧୧ ପର୍ଯ୍ୟନ୍ତ ଅଧିବେଶନ ବନ୍ଦ ରହିବ । ମାର୍ଚ୍ଚ ୩୧ରେ ଆସିବ ବ୍ୟୟ ମଞ୍ଜୁରୀ ବିଲ୍ । ୩୦ଟି କାର୍ଯ୍ୟ ଦିବସକୁ ନେଇ ବଜେଟ ଅଧିବେଶସନ ଚାଲିବ ।
