ଇ-କମର୍ସ କଂପାନି ଆମାଜନର ମୁଖ୍ୟ ଜେଫ ବେଜୋସ ଆସନ୍ତା ମାସରେ ମହାକାଶ ଯାତ୍ରା କରିବେ

Jun 8, 2021 - 13:05 Updated: Jun 8, 2021 - 13:05

1947

ନୂଆଦିଲ୍ଲୀ: ଇ-କମର୍ସ କଂପାନି ଆମାଜନର ମୁଖ୍ୟ ଜେଫ ବେଜୋସ ଆସନ୍ତା ମାସରେ ମହାକାଶ ଯାତ୍ରା କରିବେ । ନିଜ ରକେଟ୍ କଂପାନି ବ୍ଲୁ ଅରିଜିନର ପ୍ରଥମ ମହାକାଶ ବିମାନରେ ସେ ନିଜ ଭାଇ ସହ ଯାତ୍ରା କରିବେ । ଏ ସମ୍ପର୍କରେ ବେଜୋସ୍ କହିଛନ୍ତି ଯେ ମୋତେ ଯେତେବେଳେ ପାଞ୍ଚ ବର୍ଷ ହୋଇଥିଲା ମୁଁ ସେତେବେଳେ ମହାକାଶ ଯିବାକୁ ସ୍ୱପ୍ନ ଦେଖୁଥିଲି । ଜୁଲାଇ ୨୦ରେ ମୁଁ ମୋ ଭାଇ ସହ ସେହି ଯାତ୍ରାରେ ବାହାରିବି ବୋଲି ବେଜୋସ ଇନଷ୍ଟାଗ୍ରାମରେ ଲେଖିଛନ୍ତି । ଘରୋଇ ସଂସ୍ଥା ବ୍ଲୁ ଅରିଜିନ ଲୋକମାନଙ୍କୁ ମହାକାଶ ଭ୍ରମଣ କରିବାର ସୁଯୋଗ ଦେବାକୁ ଚାହୁଛି । ତାହାକୁ ଏକ ନୂତନ ବଜାର ଭାବେ ସୃଷ୍ଟି କରିବା ହେଉଛି କଂପାନିର ମୂଳ ଲକ୍ଷ୍ୟ । କଂପାନିର ପ୍ରଥମ ବିମାନର ଲାଗି ଆବେଦନ ଆହ୍ୱାନ ପ୍ରକ୍ରିୟା ଜାରି ରହିଛି । ପ୍ରତି ଯାତ୍ରୀଙ୍କ ଠାରୁ କଂପାନି ୨୦୦,୦୦୦ ଡଲାର ସଂଗ୍ରହ କରୁଛି । ବିମାନ କଂପାନି ଭର୍ଜିନ୍ ଏୟାରଲାଇନ୍ସର ମୁଖ୍ୟ ରିଚାର୍ଡ ବ୍ରାନସନଙ୍କ କଂପାନି ଭର୍ଜିନ ଗାଲାକ୍ଟିକ ହୋଲଡିଙ୍ଗ ମଧ୍ୟ ଲୋକମାନଙ୍କୁ ମହକାଶ ଭ୍ରମଣ କରିବାର ସୁଯୋଗ ପ୍ରଦାନ କରିବା ଉପରେ କାମ କରୁଛି ।