ଆସିଲା ପଲିଗ୍ରାଫ ଟେଷ୍ଟ ରିପୋର୍ଟ, ଆଦିତ୍ୟଙ୍କ ମୃତୁ୍ୟ ମାମଲାରୁ ପରଦା ଶୀଘ୍ର ଉଠିବ!
ଆସିଲା ପଲିଗ୍ରାଫ ଟେଷ୍ଟ ରିପୋର୍ଟ, ଆଦିତ୍ୟଙ୍କ ମୃତୁ୍ୟ ମାମଲାରୁ ପରଦା ଶୀଘ୍ର ଉଠିବ!
admin
5254
ଭୁବନେଶ୍ୱର: ମାନବପ୍ରେମୀ ଆଦିତ୍ୟ ସୁନ୍ଦର ଦାଶ ମୃତୁ୍ୟ ମାମଲାରେ ହୋଇଥିବା ପଲିଗ୍ରାଫ ଟେଷ୍ଟ ରିପୋର୍ଟ କ୍ରାଇମବ୍ରାଞ୍ଚ ହାତକୁ ଆସିଛି । ଆଦିତ୍ୟଙ୍କ ପତ୍ନୀ ବିଦ୍ୟାଶ୍ରୀ, ପପୁ ଦୀପକଙ୍କର ହୋଇଥିବା ପଲିଗ୍ରାଫ ଟେଷ୍ଟ ରିପୋର୍ଟ ରାଜ୍ୟ ଫରେନସିକ ଲ୍ୟାବ କ୍ରାଇମବ୍ରାଞ୍ଚକୁ ହସ୍ତାନ୍ତର କରିଛି । ରିପୋର୍ଟ ପାଇବା ପରେ ତଦନ୍ତର ବେଗ ତ୍ୱରାନ୍ୱିତ ହେବ । ଯଦିଓ ରିପୋର୍ଟ ନେଇ କ୍ରାଇମବ୍ରାଞ୍ଚ ଯାଏଁ କିଛି ସୂଚନା ଦେଇ ନାହିଁ ତେବେ ସମସ୍ତ ସଦସ୍ୟ ସତ କହିଥିବା ଏକ ବିଶ୍ୱସ୍ତ ସୂତ୍ରରୁ ଜଣାପଡ଼ିଛି । ପୂର୍ବରୁ ପଚରା ଯାଇଥିବା ପ୍ରଶ୍ନର ଯେଉଁ ଉତ୍ତର ଥିଲା ସେ ସବୁ ଉତ୍ତର ଏହି ସଦସ୍ୟମାନେ ଦୃଢ଼ତାର ସହ ଦେଇଛନ୍ତି । କ୍ରାଇମବ୍ରାଞ୍ଚ ଯାହା ଜାଣିବାକୁ ଚାହୁଁଥିଲା ତାହା ପାଇଥିବା କୁହାଯାଉଛି । ଏଣୁ ମୃତୁ୍ୟ ରହସ୍ୟ ଉପରୁ ଖୁବ୍ ଶୀଘ୍ର ବରଦା ହଟିବା ନେଇ ଆଶା କରାଯାଇଛି । ଅନ୍ୟ ପଟେ ଏକ ଭାଇରାଲ ଭିଡିଓକୁ ନେଇ ଚର୍ଚ୍ଚା ଜୋର ଧରିଛି । ଭିଡିଓ ଟିରେ ଆଦିତ୍ୟ ଓ ତାଙ୍କ ତତ୍କାଳୀନ ପ୍ରେମିକା ଚିନ୍ମୟୀ ରହିଛନ୍ତି । ଭିଡିଓଟିକୁ ଆଉ ଜଣେ ସୁଟିଂ କରୁଛନ୍ତି । ଭିଡିଓଟିରେ ଆଦିତ୍ୟ ଓ ଚିନ୍ମୟୀ ତଳେ ବସି ଏକାଠି ଖାଉଛନ୍ତି । ଆଦିତ୍ୟ ଚିନ୍ମୟୀଙ୍କୁ ଖୁଆଇ ଦେଉଛନ୍ତି । ସମଗ୍ର ଭିଡିଓ ଟିକୁ ଦେଖିଲେ ଲାଗୁଛି କି ଆଦିତ୍ୟ ଓ ଚିନ୍ମୟୀଙ୍କ ପ୍ରେମ ଏକତରଫା ନଥିଲା । ପୂର୍ବରୁ ବିଦ୍ୟାଶ୍ରୀ ଓ ଆଦିତ୍ୟଙ୍କ ବାପା ନନ୍ଦ କିଶୋର ଏହାକୁ ଏକତରଫା କହୁଥିବା ବେଳେ ଆଦିତ୍ୟଙ୍କ ମୃତୁ୍ୟ ପାଇଁ ଚିନ୍ମୟୀକୁ ଦାୟୀ କରୁ୍ଥିଲେ । ଏହି ସବୁ ପ୍ରମାଣ ଏବେ ଅଭିଯୋଗକୁ ହାଲକା କରିଛି । ତେବେ କେବଳ ଏହି ଘଟଣା ନୁହେଁ, ବରଂ ଆଦିତ୍ୟଙ୍କର ଆହୁରି କିଛି ପ୍ରେମ ସମ୍ପର୍କକୁ ନେଇ ଚର୍ଚ୍ଚା ଆରମ୍ଭ ହୋଇଛି ।
