ଅଭ୍ୟାସ ମ୍ୟାଚ ଆରମ୍ଭ, ଆଜି ପହଂଚିବ ମେକ୍ସିକୋ

Jun 4, 2019 - 05:24 Updated: Jun 4, 2019 - 05:24

5717

ଭୁବନେଶ୍ୱର: କଳିଙ୍ଗ ଷ୍ଟାଡିୟମରେ ଜୁନ ୬ ରୁ ୧୫ ପର୍ଯ୍ୟନ୍ତ ଏଫଆଇଏଚ ସିରିଜ ହକି ଫାଇନାଲସ ପୁରୁଷ ପ୍ରତିଯୋଗିତା ଖେଳାଯିବ । ଏଥିପାଇଁ ପ୍ରତିଯୋଗିତାର ଅଂଶଗ୍ରହଣକାରୀ ସମସ୍ତ ୮ ଦେଶ ମଧ୍ୟରୁ ୭ଟି ଦଳ ଭୁବନେଶ୍ୱର ପହଂଚିଛନ୍ତି । ପୂର୍ବରୁୁ ଘରୋଇ ଭାରତ ସମେତ ପୋଲାଣ୍ଡ, ଆମେରିକା, ଜାପାନ, ଋଷ,ଉଜବେକିସ୍ତାନ , ଦକ୍ଷିଣଆଫ୍ରିକା ଦଳ ପହଂଚି ସାରିଥିବା ବେଳେ ସୋମବାର ଅନ୍ତିମ ଦଳ ଭାବେ ମେକ୍ସିକୋର ଅଧା ଦଳ ଭୁବନେଶ୍ୱରରେ ପହଚିଂବାର କାର୍ଯ୍ୟକ୍ରମ ଥିଲା । ଶେଷ ମୁହର୍ତରେ ମେକ୍ସିକୋର ଗ୍ରସ୍ତ ବାତିଲ ହୋଇଯାଇଛି । ମଙ୍ଗଳବାର ଅପରାହ୍ନରେ ମେକ୍ସିକୋ ଦଳ ଭୁବନେଶ୍ୱରରେ ପହଂଚିବ । ଅନ୍ୟପକ୍ଷରେ ପ୍ରତିଯୋଗିତା ଲାଗି ଅଭ୍ୟାସ ମ୍ୟାଚ ଆରମ୍ଭ ହୋଇଛି । ସୋମବାର ଭାରତ ପ୍ରଥମ ଅଭ୍ୟାସ ମ୍ୟାଚ ଉଜବେକିସ୍ତାନ ସହିତ ଖେଳିଥିବାବେଳେ ଋଷ-ପୋଲାଣ୍ଡ ବିପକ୍ଷରେ ଅଭ୍ୟାସ ମ୍ୟାଚ ଖେଳିଥିଲା । ଅଭ୍ୟାସ ମ୍ୟାଚ ମଙ୍ଗଳବାର ମଧ୍ୟ ଖେଳାଯିବ ।