ଅବିଶ୍ୱାସ ହେଲେ ବି ସତ : ମାଛ ବାନ୍ତିର ମୂଲ୍ୟ ୨୫ କୋଟି
ଅବିଶ୍ୱାସ ହେଲେ ବି ସତ : ମାଛ ବାନ୍ତିର ମୂଲ୍ୟ ୨୫ କୋଟି
admin
6320
ବ୍ୟାଙ୍କକ : ମାଛ ବିକ୍ରି କରି ଅନେକ ମତ୍ସ୍ୟଜୀବୀ କୋଟିପତି ହୋଇଥିବା କଥା ଆମେ ଜାଣିଛେ । ହେଲେ ମାଛର ବାନ୍ତି ବିକ୍ରି କରି ଜଣେ ମତ୍ସ୍ୟଜୀବୀ କୋଟିପତି ହୋଇପାରିଛନ୍ତି । ଆଶ୍ଚର୍ୟ୍ୟ ଲାଗୁଥିଲେ ବି କଥାଟି ସମ୍ପୂର୍ଣ୍ଣ ସତ ।
ମାସକୁ ମାତ୍ର ୩୨ ହଜାର ଟଙ୍କା ରୋଜଗାର କରୁଥିବା ଥାଇଲାଣ୍ଡର ଜଣେ ମତ୍ସ୍ୟଜୀବୀ ଏଭଳି ସୌଭାଗ୍ୟର ଅଧିକାରୀ ହୋଇଛନ୍ତି । ସେ ଯାହାକୁ ପଥର ଖଣ୍ଡ ବୋଲି ଭାବୁଥିଲେ ତାହା ତାଙ୍କ ପାଇଁ ସୁନା ପାଲଟି ଯାଇଛନ୍ତି । ଏହି ପଥର ଖଣ୍ଡଟି ହେଉଛି ବାସ୍ତବରେ ସାର୍କର ବାନ୍ତି । ଯାହାକୁ ସମୁଦ୍ରର ଗୁପ୍ତଧନ ବୋଲି କୁହାଯାଏ । ଏଥିରେ ଗନ୍ଧହୀନ ଆଲକହଲ ଥାଏ । ବିଶେଷକରି ଅତର ବାସ୍ନାକୁ ଦୀର୍ଘ ସମୟ ରଖିବା ପାଇଁ ଏହା ବ୍ୟବହୃତ ହୋଇଥାଏ ।
କେତେକଙ୍କ ମତରେ ସାର୍କର ଶରୀରରୁ ଏହି ସ୍ୱତନ୍ତ୍ର ଉପାଦାନ ବାହାରିଥାଏ । ଏହା ସାହାଯ୍ୟରେ ସାର୍କ ନିଜ ଖାଦ୍ୟ ଖାଇଥାଏ । କିନ୍ତୁ କେତେକ ଏହା ସାର୍କର ମଳ ବୋଲି ଦାବି କରୁଛନ୍ତି । ତେବେ ସେ ଯାହାହେଉନା କାହିଁକି ଥାଇଲାଣ୍ଡର ନାରିସ ସୁଆନସାଙ୍ଗ ପାଇଥିବା ଏହି ସାର୍କ ବାନ୍ତିର ଓଜନ ପ୍ରାୟ ୧୦୦ କେଜି । ଏପର୍ୟ୍ୟନ୍ତ ବିଶ୍ୱରେ ଏତେବଡ଼ ସାର୍କ ବାନ୍ତି ମିଳିନାହିଁ । ଜଣେ ବ୍ୟବସାୟୀ କିଲୋପିଛା ୨୩୭୪୦ ପାଉଣ୍ଡ ଦେବାକୁ କହିଥିବାବେଳେ ଏହାର ସୁରକ୍ଷା ପାଇଁ ପୁଲିସର ସାହାରା ନେଇଛନ୍ତି ନାରିସ ।
