ଅଙ୍ଗନବାଡି ଖୋଲିବା ନେଇ କଣ ଏସଓପି
ଅଙ୍ଗନବାଡି ଖୋଲିବା ନେଇ କଣ ଏସଓପି
admin
ଭୁବନେଶ୍ୱର : ଆସନ୍ତା ୨୮ରୁ ରାଜ୍ୟର ସମସ୍ତ ଅଙ୍ଗନବାଡ଼ି କେନ୍ଦ୍ର ଖୋଲିବ । ଛୋଟ ପିଲାମାନେ ଏଣିକି ଅଙ୍ଗନବାଡ଼ି ଯାଇ ପାଠ ପଢ଼ିପାରିବେ । ଏସଂକ୍ରାନ୍ତରେ ରାଜ୍ୟ ସରକାର ନିଷ୍ପତି ନେଇଛନ୍ତି । ଏଥିପାଇଁ ଜାରି ହୋଇଥିବା ନୂତନ ଏସଓପି ଅନୁଯାୟୀ, ସମସ୍ତ ଅଙ୍ଗନବାଡ଼ି କର୍ମୀ ଓ ସହାୟକମାନେ ଟିକା ନେବା ବାଧ୍ୟତାମୂଳକ । ଯଦି କେହି ଉଦ୍ଦେଶ୍ୟମୂଳକ ଭାବେ ଟିକା ନେଇନଥିବେ ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ରାଜ୍ୟ ସରକାରଙ୍କ ପକ୍ଷରୁ କୁହାଯାଇଛି ।
ଅଙ୍ଗନବାଡ଼ି କେନ୍ଦ୍ର ଖୋଲିବା ପୂର୍ବରୁ ସମସ୍ତ ଅଙ୍ଗନବାଡ଼ି କର୍ମୀ କୋଭିଡ଼ ଟିକାନେବା ବାଧ୍ୟତାମୂଳକ କରାଯାଇଛି । ଅଙ୍ଗନବାଡ଼ି କେନ୍ଦ୍ର ଖୋଲିବା ନେଇ ନୂଆ ଏସଓପି ଜାରି କରାଯାଇଛି । ସକାଳ ୭ଟା ୩୦ରୁ ୯ଟା ୩୦ ପର୍ଯ୍ୟନ୍ତ ଅଙ୍ଗନବାଡ଼ି କେନ୍ଦ୍ର ଖୋଲିବ । ଯଦି କିଛି ସମସ୍ୟା ସୃଷ୍ଟି ହୁଏ, ତେବେ ସ୍ଥାନୀୟ ପ୍ରଶାସନ ଏସଂକ୍ରାନ୍ତରେ ନିଷ୍ପତି ଗ୍ରହଣ କରିବେ । ଯଦି କୌଣସି ଅଙ୍ଗନବାଡ଼ି କର୍ମୀ ଉଦ୍ଦେଶ୍ୟମୂଳକ ଭାବେ ଟିକା ନେଇନଥିବେ ତେବେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।
ସୂଚନାଯୋଗ୍ୟଯେ, ଏବେ ସ୍କୁଲ, କଲେଜ ଖୋଲିଗଲାଣି । ପ୍ରଥମରୁ ପଂଚମ ଶ୍ରେଣୀ ପିଲାମାନେ ମଧ୍ୟ ସ୍କୁଲ ଗଲେଣି । କରୋନା ସ୍ଥିତିରେ ବହୁ ସୁଧାର ଆସିଥିବାରୁ ଏଭଳି ପଦକ୍ଷେପ ଗ୍ରହଣ କରାଯାଇଛି ।
