ପୁଣି ପାକିସ୍ତାନ ଉଠାଇଲା ଜାମ୍ମୁ କାଶ୍ମୀର ପ୍ରସଙ୍ଗ, ଭାରତ ରଖିଲା କଡା ମନ୍ତବ୍ୟ
admin
ନୂଆଦିଲ୍ଲୀ: ସୁରକ୍ଷା ପରିଷଦ ବୈଠକରେ ପାକିସ୍ତାନ ପୁଣି ଥରେ ଜାମ୍ମୁ କାଶ୍ମୀର ପ୍ରସଙ୍ଗ ଉଠାଇଛି, ଯେଉଁଥିରେ ଭାରତ ତାହାର ଉତ୍ତର ଦେଇଛି ଏବଂ ଅନାବଶ୍ୟକ ଭାବେ କଥାବାର୍ତ୍ତା ନକରିବାକୁ ଭାରତ କହିଛି । କାଶ୍ମୀର ଉପରେ ପାକିସ୍ତାନର ମନ୍ତବ୍ୟ ଉପରେ ଭାରତର ସ୍ଥାୟୀ ରାଷ୍ଟ୍ରଦୂତ ରୁଚିରା କାମ୍ବୋଜ ପୁଣି କହିଛନ୍ତି ଯେ ସେ ଏପରି "ଅଦରକାରୀ" ମନ୍ତବ୍ୟର ଉତ୍ତର ଦେଇ ପରିଷଦର ସମୟ ନଷ୍ଟ କରିବେ ନାହିଁ । ମିଳିତ ଜାତିସଂଘ ସୁରକ୍ଷା ପରିଷଦର ଏକ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ଆଲୋଚନା ବେଳେ କାମ୍ବୋଜ ପାକିସ୍ତାନର ମନ୍ତବ୍ୟକୁ ଉତ୍ତର ଦେଇଛନ୍ତି । ଋଷ ଏହି ମାସରେ ସୁରକ୍ଷା ପରିଷଦର ବୈଠକରେ ଅଧ୍ୟକ୍ଷତା କରୁଛନ୍ତି । ମିଳିତ ଜାତିସଂଘରେ ପାକିସ୍ତାନର ସ୍ଥାୟୀ ପ୍ରତିନିଧୀ ମୁନିର ଆକ୍ରାମ ତାଙ୍କ ବିବୃତ୍ତିରେ ଜାମ୍ମୁ କାଶ୍ମୀର ବିଷୟରେ ଉଲ୍ଲେଖ କରିଥିବା ବେଳେ ସୋମବାର ଏହି ବିତର୍କରେ ଋଷର ବୈଦେଶିକ ମନ୍ତ୍ରୀ ସରୋଜ ଲାଭ୍ରୋଭ ଅଧ୍ୟକ୍ଷତା କରିଥିଲେ ।
ମୁନିର ଆକ୍ରାମଙ୍କ ବକ୍ତବ୍ୟର ଉତ୍ତରରେ କାମ୍ବୋଜ କହିଛନ୍ତି, “ଶେଷରେ, ଆଜି ଏହି ସମ୍ମାନିତ ଫୋରମରେ ମୁଁ ଜଣେ ସ୍ଥାୟୀ ପ୍ରତିନିଧୀଙ୍କ ଦ୍ୱାରା କିଛି ଭିତ୍ତିହୀନ ମନ୍ତବ୍ୟ ଶୁଣିଲି ଯାହା ଅଜ୍ଞତା ଏବଂ ମୌଳିକ ତଥ୍ୟ ଉପରେ ବୁଝାବଣାର ଅଭାବରୁ କରାଯାଇଥିଲା । ସେହି ମନ୍ତବ୍ୟଗୁଡିକର ଉତ୍ତର ଦେଇ ମୁଁ ଏହି ପରିଷଦର ସମୟ ନଷ୍ଟ କରିବି ନାହିଁ ।
