ବର୍ଷାରେ ଭିଜିବ ଶେଷ ରଜ
admin
ଭୁବନେଶ୍ଵର : ବର୍ଷାରେ ଭିଜିବ ଶେଷ ରଜ। ଆସନ୍ତା ୧୬ ରୁ ୨୨ ତାରିଖ ମଧ୍ୟରେ ରାଜ୍ୟରେ ହେବ ବର୍ଷା। ପ୍ରବଳ ବର୍ଷା ନେଇ ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର । ସାପ୍ତାହିକ ପୂର୍ବାନୁମାନରେ ରାଜ୍ୟରେ ଅଧିକ ବର୍ଷା ହେବାନେଇ ଆକଳନ କରାଯାଇଛି।
ଅପରପକ୍ଷରେ ଆସନ୍ତା ୩ ଦିନ ଯାଏଁ ପଶ୍ଚିମ ଓଡ଼ିଶାରେ ଜାରି ରହିବ ଗ୍ରୀଷ୍ମ ପ୍ରବାହ । ୧୪ ରୁ ତାପମାତ୍ରା ସାମାନ୍ୟ ହ୍ରାସ ପାଇବାର ସମ୍ଭାବନା ରହିଛି। ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ନିର୍ଦ୍ଦେଶକ ଏଚ.ଆର. ବିଶ୍ବାସ ଏନେଇ ସୂଚନା ଦେଇଛନ୍ତି। ଆଇଏମ୍ଡି ଡିଜି ମୃତ୍ୟୁଞ୍ଜୟ ମହାପାତ୍ର କହିଛନ୍ତି, ମୌସୁମୀ ୭ ଦିନ ବିଳମ୍ବରେ କେରଳରେ ପହଞ୍ଚିଛି । କର୍ଣ୍ଣାଟକ ଓ ତାମିଲନାଡୁକୁ ବି ମୌସୁମୀ ଛୁଇଁଛି । ଉତ୍ତର ପୂର୍ବ ଭାରତର ଅଧିକାଂଶ ଅଞ୍ଚଳକୁ ଏହା ଛୁଇଁସାରିଛି । ଆସନ୍ତା ୧୫ ତାରିଖ ବା ତା ପରେ ମୌସୁମୀ ଓଡ଼ିଶା ଛୁଇଁବ । ୧୫ପରେ ଓଡ଼ିଶାରେ ସ୍ୱାଭାବିକ ବା ଅଧିକ ବର୍ଷା ହୋଇପାରେ । ପ୍ରତିବର୍ଷ ଜୁନ୍ରେ ମୌସୁମୀ ଆସେ । ଏଥିପାଇଁ ବାୟୁମଣ୍ଡଳରେ ଆର୍ଦ୍ରତା ବଢ଼ିବା ସହ ଗୁଳୁଗୁଳି ବଢ଼େ । ମୌସୁମୀ ଆସିବା ପରେ ଗୁଳୁଗୁଳି କମିବ ବୋଲି ସେ କହିଛନ୍ତି ।
