କେଜ୍ରିୱାଲ ଓ ଖାର୍ଗେଙ୍କ ନାମରେ ମାମଲା ରୁଜୁ
admin
ନୂଆଦିଲ୍ଲୀ : ନୂତନ ସଂସଦ ଭବନର ଉଦଘାଟନୀ ଉତ୍ସବକୁ ନେଇ ସାରାଦେଶରେ ବିତର୍କ ଲାଗି ରହିଛି । ଏହାରି ଭିତରେ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଉପରେ ଆପତ୍ତିଜନକ ଟିପ୍ପଣୀ ଦେବା ଅଭିଯୋଗରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ, କଂଗ୍ରେସ ସଭାପତି ମଲ୍ଲିକାର୍ଜୁନ ଖାର୍ଗେଙ୍କ ନାମରେ ମାମଲା ରୁଜୁ ହୋଇଛି ।
ଅଭିଯୋଗ ସୁପ୍ରିମକୋର୍ଟର ଓକିଲ ବିନୀତ ଜିନ୍ଦଲ ଦାଖଲ କରିଛନ୍ତି ।
ଅଭିଯୋଗକାରୀ ଅଭିଯୋଗ କରିଛନ୍ତି ଯେ, ସମ୍ପ୍ରଦାୟ ଏବଂ ସମୁହ ମଧ୍ୟରେ ଶତ୍ରୁତାକୁ ବଢାଇବା ଉଦ୍ଦେଶ୍ୟରେ ଏହି ବିବୃତ୍ତି ଦିଆଯାଇଛି । ଯାହାକି ସେମାନଙ୍କର ରାଜନୈତିକ ଉଦ୍ଦେଶ୍ୟ ପୂରଣ କରିବା ପାଇଁ ଭାରତ ସରକାରଙ୍କ ପାଇଁ ଅବିଶ୍ୱାସ ସୃଷ୍ଟି କରିବାକୁ ଚେଷ୍ଟା କରୁଛି । ଏହା ଧାରା ୧୨୧, ଭାରତୀୟ ଦଣ୍ଡବିଧି ସଂହିତା ୧୫୩(ଏ) ୫୦୫ ଏବଂ ୩୪ ଅନୁଯାୟୀ ଦଣ୍ଡନୀୟ ଏକ ଅପରାଧ ଅଟେ । ଅଭିଯୋଗରେ ଦର୍ଶାଯାଇଛି ଯେ, ଖାର୍ଗେ ଏବଂ କେଜ୍ରିୱାଲଙ୍କ ଦ୍ବାରା ଦିଆଯାଇଥିବା ବିବୃତ୍ତି ଭାରତର ସମ୍ମାନିତ ରାଷ୍ଟ୍ରପତିଙ୍କ “ଜାତି” କୁ ଦର୍ଶାଇବା ପାଇଁ ଜାଣିଶୁଣି ଦିଆଯାଇଛି ।
ଯାହାର ଉଦ୍ଦେଶ୍ୟ ଏହା ଦର୍ଶାଉଛି କି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ବର୍ତ୍ତମାନର ସରକାର “ଜାଣିଶୁଣି ଏହି ଆମନ୍ତ୍ରଣ କରିନାହାଁନ୍ତି । ଅଭିଯୋଗରେ ଆହୁରି କୁହାଯାଇଛି ଯେ ଏହି ବିବୃତ୍ତିକୁ ସମାଚାର ଏବଂ ସୋସିଆଲ ମିଡିଆରେ ବହୁଳ ଭାବରେ ସେୟାର କରିବା ଦ୍ୱାରା ଏସଟି ଏବଂ ଆଦିବାସୀ ସମ୍ପ୍ରଦାୟକୁ ଉତ୍ତେଜିତ କରିବା । କାରଣ ରାଷ୍ଟ୍ରପତି ସେହି ସମ୍ପ୍ରଦାୟରୁ ଆସିଛନ୍ତି ।
