ଆୟୁଷ ଡାକ୍ତରଙ୍କ କାର୍ୟ୍ୟବନ୍ଦ ଆନ୍ଦୋଳନ
admin
ଭୁବନେଶ୍ବର : ସ୍ଥାୟୀ ନିଯୁକ୍ତି ଓ ଅନ୍ୟାନ୍ୟ ଦାବିରେ ଆଜିଠୁ ଆନ୍ଦୋଳନକୁ ଓହ୍ଲାଇବେ ଆରବିଏସ୍କେ ଆୟୁଷ ଡାକ୍ତର। ଏଥିପାଇଁ ସ୍ୱାସ୍ଥ୍ୟ ଜନିତ ଜରୁରୀକାଳୀନ ସେବା ବ୍ୟାହତ ହେଲେ ରାଜ୍ୟ ସରକାର ସମ୍ପୂର୍ଣ୍ଣ ଦାୟୀ ରହିବେ ବୋଲି ଆରବିଏସକେ ଆୟୁଷ ଡାକ୍ତର ସଂଘ ଚେତାବନୀ ଦେଇଛି।
ସଂଘ ପକ୍ଷରୁ କୁହାଯାଇଛି ଯେ ରାଷ୍ଟ୍ରୀୟ ବାଲ ସ୍ବାସ୍ଥ୍ୟ କାର୍ୟ୍ୟକ୍ରମ (ଆରବିଏସ୍କେ) ଜରିଆରେ ୯ ବର୍ଷରୁ ଅଧିକ ସମୟ ଧରି ସ୍ୱାସ୍ଥ୍ୟସେବା ଯୋଗାଇ ଆସୁଥିଲେ ହେଁ ସରକାର ସ୍ଥାୟୀ ନିଯୁକ୍ତ ଦେଉନାହାନ୍ତି। ସଂଘ ଏନେଇ ମୁଖ୍ୟମନ୍ତ୍ରୀଙ୍କ ହସ୍ତକ୍ଷେପ ଲୋଡ଼ିଥିଲେ। ୧୯ ତାରିଖ ସୁଦ୍ଧା ଆଲୋଚନା ପାଇଁ ରାଜ୍ୟ ସରକାର ନ ଡାକିଲେ ୨୦ରୁ କାର୍ୟ୍ୟବନ୍ଦ ବନ୍ଦ ଆନ୍ଦୋଳନ କରିବେ ବୋଲି ଚେତାବନୀ ଦେଇଥିଲେ। ତେବେ ଏପର୍ୟ୍ୟନ୍ତ ସରକାର କୌଣସି ପଦକ୍ଷେପ ଗ୍ରହଣ ନ କରିବା ଯୋଗୁଁ ସୋମବାରଠାରୁ ଲୋୟର ପିଏମ୍ଜିରେ ଧାରଣା ଦିଆଯିବ। କଂଗ୍ରେସ ଭବନଠାରୁ ଏକ ଶୋଭାଯାତ୍ରାରେ ଯାଇ ଲୋୟର ପିଏମ୍ଜିରେ ସ୍ଥାୟୀ ନିଯୁକ୍ତି ନ ମିଳିବା ପର୍ୟ୍ୟନ୍ତ ଆନ୍ଦୋଳନ ଜାରି ରଖିବେ। ଏହି ଅବସରରେ ସଂଘ ପକ୍ଷରୁ ଜାତୀୟ ସ୍ବାସ୍ଥ୍ୟ ମିଶନ ପରିଚାଳନା ନିର୍ଦେଶକ ଓ ସ୍ବାସ୍ଥ୍ୟ ସଚିବଙ୍କୁ ଭେଟି ଦାବିପତ୍ର ପ୍ରଦାନ କରିବେ। ଗତ ୧୬ରୁ ଏହି ଯୋଜନାରେ କାର୍ୟ୍ୟରତ ସମସ୍ତ ଡାକ୍ତର କାର୍ୟ୍ୟାଳୟ ଯାଉଥିବାବେଳେ କୌଣସି କାର୍ୟ୍ୟ କରୁ ନ ଥିବା ଜଣାପଡିଛି।
