ଓଡ଼ିଶାର ୩୪୦ ଜଣ କଳାକାରଙ୍କୁ ପେନସନ ଓ ମେଡିକାଲ ସହାୟତା

Mar 10, 2021 - 07:02 Updated: Mar 10, 2021 - 07:02

4456

ନୂଆଦିଲ୍ଲୀ: ୨୦୨୦-୨୧ ବର୍ଷରେ ଓଡ଼ିଶାର ୩୪୦ ଜଣ କଳାକାରଙ୍କୁ ପେନସନ ଓ ମେଡିକାଲ ସହାୟତା ଦେବା ଲାଗି ଏକ୍ସପର୍ଟ କମିଟି ସୁପାରିସ କରିଛି ବୋଲି ରାଜ୍ୟସଭାରେ କେନ୍ଦ୍ର ସଂସ୍କୃତି ଓ ପର୍ୟ୍ୟଟନ ମନ୍ତ୍ରୀ ପ୍ରହଲ୍ଲାଦ ସିଂ ପଟେଲ ଜଣାଇଛନ୍ତି। ଓଡ଼ିଶାର କେତେ ଜଣ କଳାକାରଙ୍କୁ କେନ୍ଦ୍ର ସରକାର ପେନସନ ଦେଉଛନ୍ତି ବୋଲି ସାଂସଦ ପ୍ରଶାନ୍ତ ନନ୍ଦଙ୍କ ପ୍ରଶ୍ନର ଉତ୍ତରରେ କେନ୍ଦ୍ରମନ୍ତ୍ରୀ ଶ୍ରୀ ପଟେଲ କହିଛନ୍ତି ଯେ ୨୦୨୦-୧୯ରେ ୧୩୦ ଜଣ ଏବଂ ୨୦୧୯-୧୮ରେ ୨୦ ଜଣ କଳାକାର ପେନସନ ପାଇବାକୁ ମନୋନୀତ ହୋଇଥିଲେ। ୨୦୨୦-୨୧ ବର୍ଷରେ ଦେଶରେ ସମୁଦାୟ ୧୮୨୧ ଜଣ କଳାକାର ପେନସନ ପାଇବାକୁ ଏକ୍ସପର୍ଟ କମିଟି ସୁପାରିସ କରିଛି। ସଂଖ୍ୟା ଦୃଷ୍ଟିରୁ ଦେଖିବାକୁ ଗଲେ ପଶ୍ଚିମବଙ୍ଗ ପରେ ଓଡ଼ିଶା ଦ୍ୱିତୀୟ ସ୍ଥାନରେ ରହିଛି। ପଶ୍ଚିମବଙ୍ଗର ୯୧୪ ଜଣ କଳାକାର ୨୦୨୦-୨୧ ବର୍ଷରେ ପେନସନ ଓ ମେଡିକାଲ ସହାୟତା ରାଶି ପାଇବେ।