୧୧ରୁ ଶୀତର ପ୍ରକୋପ ବଢିବ

Dec 8, 2021 - 02:41 Updated: Dec 8, 2021 - 02:41

3891

ଭୁବନେଶ୍ୱର: ରାଜ୍ୟକୁ ମାଡ଼ି ଆସିବ ଶୀତ । ପ୍ରବଳ ଶୀତରେ ଥରିବ ଓଡ଼ିଶା। ବାତ୍ୟା ଜୱାଦ ପ୍ରଭାବରେ ମେଘୁଆ ପାଗ ଓ ବର୍ଷା ଯୋଗୁଁ ରାଜ୍ୟରେ ଶୀତର ପ୍ରକୋପ ହ୍ରାସ ପାଇଥିଲା । ରାତିର ତାପମାତ୍ରା ସ୍ୱାଭାବିକଠାରୁ ୩ରୁ ୪ ଡିଗ୍ରୀ ପର୍ୟ୍ୟନ୍ତ ଅଧିକ ରହିଥିଲା । ମାତ୍ର ଏହା ଧୀରେ ଧୀରେ ଖସିବା ଆରମ୍ଭ କରିବ ବୋଲି ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ କୁହାଯାଇଛି । ଏବେ ରାଜ୍ୟରେ ପାଗ ଶୁଖିଲା ଓ ଖରାଟିଆ ରହିବ । ଆଜି ଦକ୍ଷିଣ ଓଡିଶାର କିଛି ସ୍ଥାନରେ ବର୍ଷା ହେବାର ସମ୍ଭାବନା ରହିଛି । ପରେ ସାରା ଓଡିଶାର ପାଗରେ ପରିବର୍ତ୍ତନ ଆସିବ । ପାଗ ସମ୍ପୂର୍ଣ୍ଣ ଶୁଖିଲା ଓ ଖରାଟିଆ ରହିବ । କ୍ରମଶଃ ରାତି ତାପମାତ୍ରା ଖସିବା ଆରମ୍ଭ ହେବା ସହ ୧୧ ତାରିଖରୁ ଶୀତର ପ୍ରକୋପ ବଢିବ ବୋଲି ପାଣିପାଗ ବିଭାଗ ପକ୍ଷରୁ କୁହାଯାଇଛି ।