ହମ୍ପିଙ୍କୁ ପ୍ରଥମ ବିଶ୍ୱ ମୁକୁଟ

Dec 30, 2019 - 06:04 Updated: Dec 30, 2019 - 06:04

2066

ଲୁଧିଆନା: ଭାରତୀୟ ଚେସ୍ ଗ୍ରାଣ୍ଡ୍ ମାଷ୍ଟର କୋନେରୁ ହମ୍ପି ନୂଆ ମହିଳା ବିଶ୍ୱ ରାପିଡ୍ ବିଜୟିନୀ ହୋଇଛନ୍ତି । ରୁଷିଆରେ ଚାଲିଥିବା କିଙ୍ଗ୍ ସଲମନ ବିଶ୍ୱ ରାପିଡ୍ ଚେସ୍ ପ୍ରତିଯୋଗିତାରେ ସେ ଏହି ଟ୍ରଫି ଜିତିଛନ୍ତି । ଏହା ହମ୍ପିଙ୍କ ପାଇଁ ପ୍ରଥମ ବିଶ୍ୱ ମୁକୁଟ । ଶନିବାର ମସ୍କୋରେ ଶେଷ ହୋଇଥିବା ଏହି ପ୍ରତିଯୋଗିତାର ଦ୍ୱାଦଶ ତଥା ଅନ୍ତିମ ରାଉଣ୍ଡରେ ଚୀନ୍ ପ୍ରତିଦ୍ୱନ୍ଦ୍ୱୀ ଲି ଟିଙ୍ଗଜିଙ୍କ ସହ ପଏଣ୍ଟ୍ ବାଣ୍ଟିବା ପରେ ହମ୍ପି ମୋଟ ୯ ପଏଣ୍ଟ୍ ସହ ବିଜେତା ଆଖ୍ୟା ହାତେଇଥିଲେ । ଏହା ମୋର ପ୍ରଥମ ବିଶ୍ୱ ଟ୍ରଫି । ଏଥିପାଇଁ ଖୁବ୍ ଖୁସୀ ବୋଲି କହିଛନ୍ତି ହମ୍ପି । ଅନ୍ୟପକ୍ଷରେ ଏହି ପ୍ରତିଯୋଗିତାର ଓପନ୍ ବର୍ଗରେ ବିଜେତା ହୋଇ ମାଗନସ୍ କାର୍ଲସେନ୍ ତାଙ୍କର ତୃତୀୟ ବିଶ୍ୱ ଟ୍ରଫି କରାୟତ କରିଛନ୍ତି ।