ସମ୍ବିତ ପାତ୍ରଙ୍କ କାର ଉପରକୁ ଆକ୍ରମଣ

Dec 10, 2020 - 09:26 Updated: Dec 10, 2020 - 09:26

4840

ଭୁବନେଶ୍ୱର: ବିଜେପି ରାଷ୍ଟ୍ରୀୟ ମୁଖପାତ୍ର ସମ୍ବିତ ପାତ୍ରଙ୍କ କାର ଉପରକୁ ଆକ୍ରମଣ ହୋଇଛି । ପଶ୍ଚିମବଙ୍ଗରେ ଏଭଳି ଆକ୍ରମଣ କରାଯାଇଥିବା ଜଣାଯାଇଛି । ଏନେଇ ଶ୍ରୀ ପାତ୍ର ନିଜେ ଟ୍ୱିଟ କରି ସୂଚନା ଦେଇଛନ୍ତି । ପ୍ରକାଶ ଯେ, ସମ୍ବିତ କିଛି ଦଳୀୟ କର୍ମୀଙ୍କ ସହିତ ଯାତ୍ରା କରୁଥିଲେ । ଏହି ସମୟରେ ଅଚାନକ କିଛି ଲୋକ କାର ଆଗକୁ ଆସି ଅଟକାଇଥିଲେ । କେହି କିଛି ବୁଝିବା ଆଗରୁ ସେମାନେ କାର ଉପରକୁ ଆକ୍ରମଣ କରିଥିଲେ । ସେମାନେ କାରର କାଚକୁ ବାଡେ଼ଇ ଭାଙ୍ଗି ଦେଇଥିବା ନେଇ ସମ୍ବିତ ଟ୍ୱିଟରେ ଉଲ୍ଲେଖ କରିଛନ୍ତି । ଅନ୍ୟପକ୍ଷରେ ଏଭଳି ଆକ୍ରମଣରେ ସମ୍ବିତଙ୍କ ସହ ଥିବା ଜଣେ ଦଳୀୟ କାର୍ୟ୍ୟକର୍ତ୍ତା ଆହତ ମଧ୍ୟ ହୋଇଛନ୍ତି । ତେବେ ସୌଭାଗ୍ୟ କ୍ରମେ ସେ ବର୍ତ୍ତିଯାଇଥିବା ସମ୍ବିତ ପାତ୍ର ଟ୍ୱିଟରେ ଉଲ୍ଲେଖ କରିଛନ୍ତି ।