ଶ୍ରୀମନ୍ଦିର ପାଇଁ ୨୦୨ କୋଟି ଟଙ୍କାର ବଜେଟ
ଶ୍ରୀମନ୍ଦିର ପାଇଁ ୨୦୨ କୋଟି ଟଙ୍କାର ବଜେଟ
admin
3346
ଭୁବନେଶ୍ୱର : ଶ୍ରୀମନ୍ଦିରର ଚତୁଃପାଶ୍ୱର୍ର ବିକାଶ ସହ ମନ୍ଦିରର ରୀତିନୀତିର ସୁପରିଚାଳନା ପାଇଁ ରାଜ୍ୟ ସରକାର ପଦକ୍ଷେପ ଗ୍ରହଣ କରିଛନ୍ତି । ଅପରପକ୍ଷରେ ଶ୍ରୀମନ୍ଦିର ପାଣ୍ଠି ବୃଦ୍ଧି ପାଇଁ ମଧ୍ୟ ଲକ୍ଷ୍ୟ ରଖାଯାଇଛି । ୨୦୨୩ ରଥ ପୂର୍ବରୁ ଶ୍ରୀମନ୍ଦିର ପାଣ୍ଠିକୁ ହଜାରେ କୋଟିରେ ପହଁଚାଇବା ନିମନ୍ତେ ଲକ୍ଷ୍ୟ ରହିଛି ।
ଶ୍ରୀମନ୍ଦିର ପାଇଁ ୨୦୨ କୋଟି ଟଙ୍କାର ବଜେଟ ପ୍ରସ୍ତୁତ କରାଯାଇଛି । ବଜେଟରେ ରଥଯାତ୍ରା ପାଇଁ ୧୧ କୋଟି ବ୍ୟୟବରାଦ କରାଯାଇଛି । ସେବାୟତଙ୍କ ଚିକିତ୍ସା ସୁବିଧା ନିମନ୍ତେ ୫୦ ଲକ୍ଷ ଟଙ୍କା, ସେବାୟତଙ୍କ ସହାୟତା ନିମନ୍ତେ ୫ କୋଟି ଟଙ୍କା ବ୍ୟୟବରାଦ ହୋଇଛି ବୋଲି ଶ୍ରୀମନ୍ଦିର ମୁଖ୍ୟ ପ୍ରଶାସକ କ୍ରିଷନ କୁମାର ସୂଚନା ଦେଇଛନ୍ତି । ଶ୍ରୀମନ୍ଦିର ବାର୍ଷିକ ବଜେଟ ବୈଠକ ପରେ ସେ ଏହା କହିଛନ୍ତି ।
ଶ୍ରୀମନ୍ଦିର ଆୟ ବୃଦ୍ଧି ପାଇଁ ବ୍ୟାପକ ପଦକ୍ଷେପ ଗ୍ରହଣ କରାଯିବ । ବ୍ୟାଙ୍କ ସୁଧରୁ ବେଶୀ ଟଙ୍କା ଆସୁନଥିବାରୁ ଅନ୍ୟ ବ୍ୟବସ୍ଥା କରାଯିବ । ଶ୍ରୀମନ୍ଦିର ବ୍ୟତୀତ ଅନ୍ୟ ପ୍ରମୁଖ ସ୍ଥାନରେ ହୁଣ୍ଡି ସ୍ଥାପନ କରାଯିବ । ବିମାନବନ୍ଦର ଓ ରେଳ ଷ୍ଟେସନରେ ବି ହୁଣ୍ଡି ସ୍ଥାପନ ପାଇଁ ଲକ୍ଷ୍ୟ ରହିଛି । ଅପରପକ୍ଷରେ ପଥର କ୍ୱାରୀ ଲିଜ ଦେଇ ମଧ୍ୟ ପାଣ୍ଠି ସଂଗ୍ରହ କରାଯିବ । ଚଳିତ ଆର୍ଥିକ ବର୍ଷରେ ପଥର କ୍ୱାରୀ ଲିଜରୁ ପ୍ରାୟ ୧୦ କୋଟି ଆୟ ପାଇଁ ଲକ୍ଷ୍ୟ ରହିଛି । ସମ୍ପ୍ରତି ଶ୍ରୀମନ୍ଦିରର ୬୫୦ କୋଟିର ପାଣ୍ଠି ରହିଛି । ଆସନ୍ତା ବର୍ଷ ତାହାକୁ ୭୫୦ କୋଟିରେ ପହଁଚାଇବାକୁ ଲକ୍ଷ୍ୟ ରହିଥିବାବେଳେ ୨୦୨୩ ରଥ ପୂର୍ବରୁ ତାହା ହଜାରେ କୋଟି ଛୁଇଁବ ବୋଲି ଲକ୍ଷ୍ୟ ଧାର୍ଯ୍ୟ କରାଯାଇଛି ।
