ରୋଷେଇ ଘର ସମ୍ପର୍କରେ କିଛି ଜାଣିବା କଥା
ରୋଷେଇ ଘର ସମ୍ପର୍କରେ କିଛି ଜାଣିବା କଥା
admin
4378
ପ୍ରତିଦିନ ରାତି ପାହିବା ପରଠାରୁ ରାତିରେ ଶୋଇବା ପର୍ୟ୍ୟନ୍ତ ରୋଷେଇ ଘରେ କିଛି ନା କିଛି କାମ ରହିଥାଏ । ଏହା ସହିତ କର୍ମବହୁଳ ଜୀବନ ଭିତରେ, ପ୍ରତିଦିନ ରୋଷେଇ ଘର ବା ରୋଷେଇ ଘରେ ବ୍ୟବହୃତ ହେଉଥିବା ଜିନିଷ ଭଲଭାବେ ସଫା କରିବାକୁ ସମୟ ମିଳିନଥାଏ । ଯାହା ଫଳରେ ପ୍ରତିଦିନ ରୋଷେଇ କରିବା ଫଳରେ, ତେଲ ଛିଟିକି ରୋଷେଇ ଘର କାନ୍ଥ ଅସନା ଦେଖାଯାଇଥାଏ । ଠିକ୍ ଏହିଭଳି ଆହୁରି ମଧ୍ୟ ଅନେକ୍ ଜିନିଷ ଅଛି ଯାହା କିଛି ଦିନ ବ୍ୟବହାର କରିବା ପରେ ସଫା ନକଲେ , ତାହା ଅସନା ହୋଇଥାଏ । ତେବେ ଏସବୁ ଜିନିଷ ସହଜରେ ସଫା କରିବା ପାଇଁ ଆସନ୍ତୁ ଜାଣିବା ସେ ସମ୍ପର୍କରେ କିଛି ଜାଣିବା କଥା ।
-ରୋଷେଇ ଘର କାନ୍ଥ ଯଦି ତେଲ ଛିଟିକା ପଡି ଅସନା ହୋଇଥାଏ, ତେବେ ତାକୁ ମଝିରେ ମଝିରେ ତାରପିନ୍ ଲଗାଇ ଏକ କପଡାରେ ପୋଛିବା ଦ୍ୱାରା ତାହା ସଫା ହୋଇଥାଏ ।
-ପ୍ରାୟତଃ ଅଧିକାଂଶ ଲୋକ ରୋଷେଇ ଘରେ କଟାକଟି ପାଇଁ ଚପିଙ୍ଗ୍ ବୋର୍ଡ ବ୍ୟବହାର କରିଥାନ୍ତି । ତେବେ ଏଥିରେ ବାରମ୍ବାର ପରିବା କଟାକଟି କରିବା ଦ୍ୱାରା, ଏହା ଅପରିଷ୍କାର ହେବା ସହିତ ଏଥିରେ ଜୀବାଣୁ ଜମାଟ ବାନ୍ଧିଥାଏ । ଏହାକୁ ସଫା କରିବା ପାଇଁ , ଫାଳେ ଲେମ୍ବୁ ଏବଂ ତା ସହିତ କିଛି ଲୁଣ ନେଇ ଚପିଙ୍ଗ୍ ବୋର୍ଡକୁ ଏହି ଲେମ୍ବୁରେ ଘଷି ପାଣିରେ ଧୋଇବା ଦ୍ୱାରା ଏହା ପରିଷ୍କାର ହୋଇଥାଏ ।
-ରେଷେଇ ଘରେ ଲାଗିଥିବା ରଙ୍ଘସଗ୍ଧ ଲବଦ୍ଭ କୁ ପ୍ରତିଦିନ ସଫା କରିବା ସମ୍ଭବ ନୁହେଁ । ତେଣୁ ଏହା ତେଲିଆ ଏବଂ ଅପରିଷ୍କାର ହୋଇଯାଏ । ତେବେ ଏହାକୁ ସଫା କରିବା ପାଇଁ ପ୍ରଥମେ ଏହାର ପ୍ଲଗକୁ ବାହାର କରିବେ । ଏହାପରେ ସାମ୍ନାରେ ଲାଗିଥିବା ଜାଲିକୁ କାଢିବେ । ଏହାପରେ ତୁଳରେ କିଛି ନଡିଆ ତେଲ ନେଇ ଫ୍ୟାନର ପକ୍ଷୀରେ ଲଗାଇ ୧୦ ରୁ ୧୫ ମିନିଟ ଯାଏଁ ଏହାକୁ ରଖିବା ପରେ , ଏକ ମୋଟା କପଡାରେ ଏହାକୁ ପୋଛିବେ । ଠିକ୍ ସେହିପରି ଏହାର ସାମ୍ନା ଜାଲିକୁ ମଧ୍ୟ ପାଣିରେ ଡିଟରଜେଣ୍ଟ ଗୋଳାଇ ବ୍ରଶ ସାହାଯ୍ୟରେ ଏହାକୁ ନେଇ ସଫା କରିବେ । ଦେଖିବେ ଏହା ସଫା ହୋଇଯିବ ।
-ପାଣିରେ ଭିନେଗାର ମିଶାଇ ସେହି ପାଣିକୁ କିଛି ସମୟ ଫୁଟାଇବେ । ଏହାପରେ ସେହି ପାଣିରେ ଷ୍ଟିଲ୍ ବାସନ ,ଓଭାନ ସଫା କରିବା ଦ୍ୱାରା ଏହା ଏକଦମ୍ ସଫା ହୋଇଥାଏ ।
