ରାଜମା ପରଟା
ରାଜମା ପରଟା
admin
2608
ସାମଗ୍ରୀ:
- ଅଟା: ୨ କପ
- ରାଗମା:୧୧ କପ
- କଟା ଅଦା: ୧ଟା
- କଟା ପିଆଜ:୧ଟା
- ଲଙ୍କାଗୁଣ୍ଡ: ୧ ଚାମଚ
- ଜିରାଗୁଣ୍ଡ:୧/୨ ଚାମଚ
- ଗରମ ମସଲା: ୩/୪ ଚାମଚ
- ଧନିଆ ପତ୍ର: ୨ ଚାମଚ
- ଲେମ୍ବୁରସ: ୧ ଚାମଚ
- ଲୁଣ ପ୍ରୟୋଜନ ଅନୁସାରେ
- ଆବଶ୍ୟକ ଅନୁଯାୟୀ ତେଲ
ପ୍ରଣାଳୀ: ପ୍ରଥମେ ରାଜମାକୁ ଧୋଇ ସିଝୋଇ ଦିଅନ୍ତୁ । ଗୋଟିଏ ପାତ୍ରରେ ଅଟା , ଲୁଣ ଓ ପାଣି ପକାଇ ଭଲ ଭାବେ ଚକଟି ଦିଅନ୍ତୁ । ଏହାକୁ ୨୦ ମିନିଟ ପର୍ଯ୍ୟନ୍ତ ଘୋଡାଇ ରଖିଦିଅନ୍ତୁ । ତାପରେ ସିଝା ରାଜମା ଧନିଆ ପତ୍ର, ଅଦା ପିଆଜ, ଜିରାଗୁଣ୍ଡ ଲଙ୍କାଗୁଣ୍ଡ, ଗରମ ସସଲା ଓ ଲୁଣ ପକାଇ ଭଲ ଭାବେ ଗ୍ରାଇଣ୍ଡିଂ କରି ଏକ ମିଶ୍ରଣ ପ୍ରସ୍ତୁତ କରନ୍ତୁ । ଗ୍ୟାସରେ କଡେଇ ବସାଇ ତେଲ ଦିଅନ୍ତୁ । ତେଲ ଗରମ ହୋଇଗଲା ପରେ ସେହି ମିଶ୍ରଣ ଓ ଲେମ୍ବୁରସ ପକାଇ ଭାଜନ୍ତୁ । ଅଳ୍ପ ସମୟ ଭାଜି ହୋଇଗଲା ପରେ ଗ୍ୟାସ ବନ୍ଦ କରିଦିଅନ୍ତୁ । ତାପରେ ପରଟା ତିଆରି କରିବା ପାଇଁ ପୂର୍ବରୁ ପ୍ରସ୍ତୁତ କରି ରଖିଥିବା ଅଟା ଚକଟାକୁ ସମାନ ଭାବରେ ଗୁଳା କରି ଦିଅନ୍ତୁ ।ବେଲଣା ପେଡିରେ ଅଟା ଦେଇ ସେହି ଗୁଳାକୁ ବେଲନ୍ତୁ । ତାପରେ ରାଜମା ପୁର ଦେଇ ଭଲ ଭାବେ ବନ୍ଦ କରି ପରଟା ଆକାରରେ ବେଲିଦିଅନ୍ତୁ । ଗ୍ୟାସରେ ତାୱା ବସାନ୍ତୁ । ତାୱା ଗରମ ହେଲା ପରେ ପରଟାକୁ ପକାଇ ତେଲ ଦେଇ ଦୁଇପଟକୁ ଭଲ ଭାବେ ସେକି ଦିଅନ୍ତୁ । ଦୁଇ ପାଖ ଭଲ ଭାବେ ସେକି ହୋଇଗଲା ପରେ ଏକ ପାତ୍ରକୁ କାଢି ଦିଅନ୍ତୁ । ଗରମ ଗରମ ନିଜେ ଖାଇବା ସହିତ ଅନ୍ୟମାନଙ୍କୁ ଖୁଆନ୍ତୁ ।
