କେମିିତି ପ୍ରସ୍ତୁତ କରିବେ ଅଣ୍ଡା ମଟନ ରୋଲ, ଜାଣନ୍ତୁ
କେମିିତି ପ୍ରସ୍ତୁତ କରିବେ ଅଣ୍ଡା ମଟନ ରୋଲ, ଜାଣନ୍ତୁ
admin
4804
ଆବଶ୍ୟକ ସାମଗ୍ରୀ
ମଟନ – ୨୫୦ ଗ୍ରାମ ( କିମା ହୋଇଥିବା ମଟନ)
ଅଣ୍ଡା -୧ଟି
ମଇଦା – ୨କପ
ଲୁଣ – ଆବଶ୍ୟକ ପରିମାଣରେ
ତେଲ – ଆବଶ୍ୟକ ପରିମାଣରେ
ହଳଦୀ ଗୁଣ୍ଡ – ଅଳ୍ପ
ଲଙ୍କା ଗୁଣ୍ଡ – ଅଳ୍ପ
ଅଦାରସୁଣ ବଟା – ୨ ଚାମଚ
କଟା ପିଆଜ – ୩ଟି
ଗରମ ମସଲା – ଅଳ୍ପ
କଟା ଧନିଆପତ୍ର – ଆବଶ୍ୟକ ପରିମାଣରେ
କଂଚା ଲଙ୍କା – ୩ଟି
ସିମଲା ଲଙ୍କା – ୧ଟି (କଟା ହୋଇଥିବା)
ଟମାଟୋ – ୧ଟି (କଟା ହୋଇଥିବା)
ପ୍ରସ୍ତୁତି ପ୍ରଣାଳୀ –
ପ୍ରଥମେ ମଇଦାରେ ଅଳ୍ପ ଲୁଣ ପକାଇ ଏହାକୁ ଭଲ ଭାବେ ଚକଟି ଦିଅନ୍ତୁ। ଚକଟିବା ପରେ କିଛି ସମୟ ରଖି ଏଥିରେ ଛୋଟ ଛୋଟ ଗୁଳା କରି ପତଳା ରୁଟି ବେଲି ଦିଅନ୍ତୁ। ଏବେ ଏକ ପାତ୍ରରେ ଅଣ୍ଡାର ଧଳା ଅଂଶକୁ ଭାଙ୍ଗି ସାମାନ୍ୟ ଲୁଣ ଓ ଧନିଆପତ୍ର ପକାଇ ଗୋଳାଇ ଦିଅନ୍ତୁ। ଏହାପରେ ଗ୍ୟାସରେ ଏକ ତାୱା ବସାଇ ତେଲ ପକାଇ ଅଣ୍ଡାକୁ ପକାଇ ଏହା ଉପରେ ପ୍ରସ୍ତୁତ ରୁଟିକୁ ପକାଇ ଉଭୟ ପଟକୁ ଭଲ ଭାବେ ସେକି ଦିଅନ୍ତୁ। ଏହାକୁ ଏକ ପାତ୍ରକୁ କାଢି ରଖନ୍ତୁ। ଏବେ ପୁଣି ଗ୍ୟାସରେ ଏକ କଡ଼େଇ ବସାଇ ତେଲ ଗରମ କରନ୍ତୁ। ତେଲ ଗରମ ହେବା ପରେ ଏଥିରେ ପିଆଜ, ସିମଲା ଲଙ୍କା ପକାଇ ଭାଜିବା ପରେ ଅଦାରସୁଣ ବଟା, ଲଙ୍କା ଗୁଣ୍ଡ, ହଳଦୀ ଗୁଣ୍ଡ, କଂଚା ଲଙ୍କା, ଲୁଣ ପକାଇ କଷନ୍ତୁ। କଷିବା ପରେ ଏଥିରେ ମଟନ କିମା, ପୁଣି କିଛି ପିଆଜ ପକାଇ ଭଲ ଭାବେ କଷନ୍ତୁ। ଏବେ ଏଥିରେ ଧନିଆପତ୍ର ପକାଇ ଏକ ପାତ୍ରକୁ କାଢି ପୂର୍ବ ପ୍ରସ୍ତୁତ ରୁଟି ମଧ୍ୟରେ ଦେଇ ରଖନ୍ତୁ ଓ ରୋଲ ଭଳି କରନ୍ତୁ। ପ୍ରସ୍ତୁତ ହୋଇଗଲା ମଟନ କାଠି ରୋଲ। ଏହାକୁ ଚଟଣି କିମ୍ବା ସସ ସହ ଖାଆନ୍ତୁ ଓ ମଜା ନିଅନ୍ତୁ।
