ମନ୍ତ୍ରୀ, ବିଧାୟକଙ୍କ ପାଇଁ ତିଆରୀ ହେବ ନୂଆ ୫୧୬ଟି କ୍ୱାର୍ଟର୍ସ
ମନ୍ତ୍ରୀ, ବିଧାୟକଙ୍କ ପାଇଁ ତିଆରୀ ହେବ ନୂଆ ୫୧୬ଟି କ୍ୱାର୍ଟର୍ସ
admin
5801
ଭୁବନେଶ୍ୱର: ମନ୍ତ୍ରୀ, ବିଧାୟକ ଓ ଅଫିସରଙ୍କ ପାଇଁ ନିର୍ମାଣ ହେବ ୫୧୬ ଟି ସରକାରୀ ବାସଗୃହ । ସୁଉଚ୍ଚ ଅଟ୍ଟାଳିକାରେ ରହିବ ଏସବୁ ପ୍ଲାଟ । ଏ ନେଇ ଜମି ଚିହ୍ନଟ ହୋଇଛି । ପୁରୁଣା କ୍ୱାର୍ଟର୍ସ ମଧ୍ୟ ଭାଙ୍ଗିବା କାମ ଆରମ୍ଭ ହୋଇଛି । ଏହି ପ୍ରକଳ୍ପ ପାଇଁ ୫୮୨ କୋଟି ଟଙ୍କାର ପ୍ରାରମ୍ଭିକ ଅଟକଳ କରାଯାଇ ଅନୁମୋଦନ ପାଇଁ ସରକାରଙ୍କ ନିକଟକୁ ପଠାଯାଇଛି । ବିଧାୟକ, ମନ୍ତ୍ରୀ ଓ ଅଫିସରଙ୍କ ପାଇଁ ଅତ୍ୟାଧୁନିକ ଫ୍ଲାଟ ନିର୍ମାଣ ପାଇଁ ୟୁନିଟ୍-୮ କଲ୍ୟାଣ ମଣ୍ଡପ, ୟୁନିଟ-୪ ଏଜି କଲୋନି, ଏମଏଲଏ କଲୋନି, ଜିଏ କ୍ୱାର୍ଟସ ଥିବା ଜମି ଚିହ୍ନଟ ହୋଇଛି । ଯୋଜନା ମୁତାବକ, ୟୁନିଟ୍-୮ ର ପୁରୁଣା କଲ୍ୟାଣ ମଣ୍ଡପ ଜାଗାରେ ନିର୍ମାଣ ହେବ ୧୨ ମହଲା କୋଠା । ଏଥିରେ ରହିବ ୧୩୨ଟି ଟାଇପ-୨ ଘର ଓ ଭୂତଳ ଗାଡ଼ି ରହଣୀ ସ୍ଥାନ । ୟୁନିଟ-୪ ଘର ନିର୍ମାଣ ହେବ । ସେଥିରେ ଭୂତଳ ଗାଡ଼ି ପାର୍କିଂ ବ୍ୟବସ୍ଥା ସହ ୧୫ ମହଲା ବିଶିଷ୍ଟ କୋଠା ନିର୍ମାଣ କରାଯିବ । ୟୁନିଟ-୪ ର ଏମଏଲଏ କଲୋନି ଓ ଜିଏ କ୍ୱାର୍ଟର୍ସ ଥିବା ୧୬.୬୬ ଏକର ଜମିରେ ୧୯୫ ଟି ଟାଇପ-୬ ଓ ୧୦୫ଟି ଟାଇପ-୭ ଘର ନିର୍ମାଣ ହେବ । ଏଥିପାଇଁ ସେହି ଜାଗାରେ ଯଥାକ୍ରମେ ୧୦ ମହଲା ବିଶିଷ୍ଟ ଓ ୯ ମହଲା କୋଠା ନିର୍ମାଣ ପାଇଁ ଯୋଜନା ଅଛି । ଏସବୁ ଜାଗାରେ ଭୂତଳ ପାର୍କିଂ ସୁବିଧା ରଖାଯିବ ।
