ମଧୁମେହ ରୋଗୀଙ୍କ ନିମନ୍ତେ ସତର୍କତା
ମଧୁମେହ ରୋଗୀଙ୍କ ନିମନ୍ତେ ସତର୍କତା
admin
5507
ବିଶେଷଜ୍ଞଙ୍କ ମତରେ ମଧୁମେହ ରୋଗୀ ଖୁବ ସତର୍କ ରହିବା ଜରୁରୀ । କାରଣ ଏଇ ରୋଗ ଶରୀରରେ ଅନ୍ୟ ରୋଗକୁ ନିୟନ୍ତ୍ରଣ ଜଣାଇଥାଏ । ଆଜି ସମୟରେ ଯୁବ ବର୍ଗ ମଧ୍ୟ ଏଇ ରୋଗରେ ଆକ୍ରାନ୍ତ ହେଉଛନ୍ତି । କେତୋଟି ନିୟମ ମାନି ଚଳିଲେ ମଧୁମେହ ରୋଗୀ ମଧ୍ୟ ସୁସ୍ଥ ଜୀବନ ଅତିବାହିତ କରିପାରିବେ ।
ବିଶେଷଜ୍ଞଙ୍କ ପରାମର୍ଶରେ ରୀତିମତ ‘ସୁଗାର ଲେଭଲ’ ଚେକ କରନ୍ତୁ । ତାଙ୍କ କହିବାନୁସାରେ ଆପଣ ଖାଦ୍ୟପାନୀୟରେ ଅଳ୍ପ ଚିନି କିମ୍ବା ବିନା ଚିନିର ପ୍ରୟୋଗ କରନ୍ତୁ । ନିଜ ଇଚ୍ଛାକୁ ପ୍ରାଧାନ୍ୟ ଦେଲେ ହଇରାଣ ହେବା ନିଶ୍ଚିତ ।
ରେସ୍ତୋରାଁ ଖାଦ୍ୟ ଖାଇବା ସମ୍ପୂର୍ଣ୍ଣ ଭାବେ ବନ୍ଦ କରିବା ଜରୁରୀ । କାରଣ ସେ ସବୁ ଖାଦ୍ୟରେ ଚିନି, ଲୁଣ ଓ ତେଲରେ ଅଧିକ ଉପଯୋଗ ହୋଇଥାଏ, ଯାହା ମଧୁମେହ ରୋଗୀଙ୍କ ସ୍ୱାସ୍ଥ୍ୟ ନିମନ୍ତେ ହାନିକାରକ ।
ଦିନକୁ ଥରୁଟିଏ ଚା, କଫି ପିଇବାରେ ଅଭ୍ୟାସ ରଖନ୍ତୁ । ଅଧିକ ଥର ପିଇଲେ ଏହା କାରଣରୁ ମଧ୍ୟ ରକ୍ତଶର୍କରା ବୃଦ୍ଧିପାଇବାର ଭୟ ରହିଛି ।
ବିଶେଷଜ୍ଞଙ୍କ ମତରେ ଭୋଜନରେ କାର୍ବୋହାଇଡ୍ରେଟ ଓ ପ୍ରୋଟିନ ଉଭୟକୁ ସାମିଲ କରିବା ଉଚିତ । ଯେପରି ଅଳ୍ପ ପରିମାଣରେ ବାଦାମ ଭୋଜନରେ ଖାଇବା ମଧୁମେହ ରୋଗୀଙ୍କ ସ୍ୱାସ୍ଥ୍ୟ ପାଇଁ ଭଲ ।
ପ୍ରତିଦିନ କିଛି ସମୟ ବାହାରେ ଚଲାବୁଲା କରନ୍ତୁ ନଚେତ ଘରେ ଯୋଗ ପ୍ରାଣାୟାମ କଲେ ମଧ୍ୟ ଆପଣଙ୍କ ଶରୀରକୁ ଶକ୍ତି ମିଳିବ ।
