ବିଶ୍ୱ ସ୍ୱାସ୍ଥ୍ୟ ସଙ୍ଗଠନରେ ଯୋଗ ଦେବ ଆମେରିକା, ଜାଣନ୍ତୁ କଣ କହିଲେ ବିଡେନ
ବିଶ୍ୱ ସ୍ୱାସ୍ଥ୍ୟ ସଙ୍ଗଠନରେ ଯୋଗ ଦେବ ଆମେରିକା, ଜାଣନ୍ତୁ କଣ କହିଲେ ବିଡେନ
admin
3221
ୱାଶିଂଟନ : କରୋନା ଭାଇରସ ସଂକ୍ରମଣ କାରଣରୁ ଆମେରିକା ବିଶ୍ୱ ସ୍ୱାସ୍ଥ୍ୟ ସଙ୍ଗଠନରୁ ଓହରି ଯାଇଥିବା ବେଳେ ଫଣ୍ଡିଂ ମଧ୍ୟ ବନ୍ଦ କରିଦେଇଥିଲା । ତେବେ ନବ ନିର୍ବାଚିତ ରାଷ୍ଟ୍ରପତି ଜୋ ବିଡେନ ଆମେରିକାର ପୁନଃ ଯୋଗଦାନ ସମ୍ପର୍କରେ ଘୋଷଣା କରିଛନ୍ତି । ଗୁରୁବାର ଏକ ପ୍ରଶ୍ନୋତର କାର୍ଯ୍ୟକ୍ରମରେ ବିଡେନ ଏହି ସୂଚନା ଦେଇଛନ୍ତି ।
ସେ ଚୀନକୁ ତାର ଭୁଲ ପାଇଁ ଦଣ୍ଡିତ କରିବାକୁ ଚାହାଁନ୍ତି । ମାତ୍ର ଏଥିପାଇଁ ସେ ନିିୟମ ଭାଙ୍ଗିବେ ନାହିଁ । ନ୍ୟାୟିକ ପରିସର ମଧ୍ୟରେ ରହି ଚୀନକୁ ଦଣ୍ଡିତ କରିବାର ପ୍ରୟାସ କରିବେ ବୋଲି ବିଡେନ କହିଛନ୍ତି । ତେବେ ଚୀନ ପ୍ରତି ଅର୍ଥନୈତିକ ପ୍ରତିବନ୍ଧକ ପ୍ରଶ୍ନକୁ ଏଡାଇ ଯାଇଥିଲେ ବିଡେନ । ଚୀନକୁ ଦଣ୍ଡ ଦେବା ଗୁରୁତ୍ୱପୂର୍ଣ୍ଣ ନୁହେଁ କିନ୍ତୁ ଆମେରିକା ଏହା ନିଶ୍ଚିତ କରିବ ଯେମିତିକି ଚୀନ କିଛି ଭୁଲ ପନ୍ଥା ଆପଣେଇବ ନାହିଁ । କାର୍ଯ୍ୟଗ୍ରହଣର ପ୍ରଥମ ଦିନରେ ଆମେରିକା ହୁରେ ଯୋଗଦାନ କରିବ ବୋଲି ବିଡେନ ସ୍ପଷ୍ଟୋକ୍ତି ପ୍ରଦାନ କରିଛନ୍ତି ।
ଟ୍ରମ୍ପଙ୍କ ସମୟରେ ଉଭୟ ରାଷ୍ଟ୍ର ମଧ୍ୟରେ ବାଣିଜି୍ୟକ ସମ୍ପର୍କ ସବୁଠାରୁ ଖରାପ ପରସ୍ଥିତିରେ ରହିଥିଲା । ତାଇୱାନ , ଦକ୍ଷିଣ ଚୀନ ସାଗର ପ୍ରଭୃତି ଘଟଣାକୁ ନେଇ ଉଭୟ ରାଷ୍ଟ୍ର ମଧ୍ୟରେ ବିବାଦ ଦେଖା ଦେଇଥିବା ବେଳେ ବାଣିଜ୍ୟିକ କଟକଣା ଲଗାଇଥିଲେ ଟ୍ରମ୍ପ ।
ରାଷ୍ଟ୍ରପତି ନିର୍ବାଚନ ସମୟରେ ବିଡେନଙ୍କୁ ଚୀନର ସମର୍ଥକ ଭାବରେ ଦେଖାଇବାକୁ ଟ୍ରମ୍ପ ଚେଷ୍ଟା କରିଥିଲେ ମଧ୍ୟ ବିଫଳ ହୋଇଥିଲେ । ତେବେ ରାଜନୈତିକ ସମୀକ୍ଷକଙ୍କ ମତରେ ବିଡେନଙ୍କ ଉଦାରବାଦୀ ଚିନ୍ତାଧାରା ଚୀନ ସହ ଦ୍ୱିପାକ୍ଷିକ ସମ୍ପର୍କକୁ ସୁଦୃଢ କରିବ ।
