ବିଜୟ ସାହୁଙ୍କ ବିୟୋଗରେ ବିଶିଷ୍ଟ ବ୍ୟକ୍ତିଙ୍କ ଶୋକପ୍ରକାଶ
ବିଜୟ ସାହୁଙ୍କ ବିୟୋଗରେ ବିଶିଷ୍ଟ ବ୍ୟକ୍ତିଙ୍କ ଶୋକପ୍ରକାଶ
admin
2299
ଭୁବନେଶ୍ୱର: ଶିକ୍ଷାବିତ୍ , ସାଇ ସ୍କୁଲ ଚେୟାରମ୍ୟାନ ଓ ଆଦର୍ଶ ବିଦ୍ୟାଳୟ ଉପଦେଷ୍ଟା ବିଜୟ ସାହୁଙ୍କ ବିୟୋଗରେ ବିଶିଷ୍ଟ ବ୍ୟକ୍ତି ଶୋକବ୍ୟକ୍ତ କରିଛନ୍ତି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗଭୀର ଶୋକବ୍ୟକ୍ତ କରିଛନ୍ତି । ସେ କହିଛନ୍ତି, ବିଶିଷ୍ଟ ଶିକ୍ଷାବିତ୍ ଓ ଉଦ୍ୟୋଗୀ ବିଜୟ ସାହୁଙ୍କ ବିୟୋଗରେ ଗଭୀର ଦୁଃଖିତ । ସରକାରୀ ସ୍କୁଲ ଶିକ୍ଷା ପରିର୍ବତନରେ ତାଙ୍କର ଥିଲା ଅଗ୍ରଣୀ ଭୂମିକା । ତାଙ୍କ ପରିବାର, ବନ୍ଧୁ ଓ ଛାତ୍ରଛାତ୍ରୀଙ୍କ ପ୍ରତି ମୋର ସମବେଦନା ରହିଛି । ଗଣଶିକ୍ଷା ମନ୍ତ୍ରୀ ସମୀର ଦାଶ ଶୋକ ପ୍ରକାଶ କରିଛନ୍ତି । ସମୀର ଦାଶ କହିଛନ୍ତି ଯେ, ରାଜ୍ୟରେ ଜଣେ ଯୋଗ୍ୟ ବ୍ୟକ୍ତିଙ୍କୁ ହରାଇଲା । ଛାତ୍ରଛାତ୍ରୀଙ୍କ ପାଠପଢା ନୁହେଁ, କେମିତି ଆଗକୁ ଯିବେ ସେ ଚିନ୍ତା କରୁଥିଲେ । ବିଜୟ ସାହୁଙ୍କ ବିୟୋଗରେ ଚାର୍ଟାଡେ ଆକାଉଂଟାଂଟ ରାଜୀବ ସାହୁ ଗଭୀର ଶୋକ ପ୍ରକାଶ କରିଛନ୍ତି । କେନ୍ଦ୍ର ପେଟ୍ରୋଲୀୟମ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଶୋକବ୍ୟକ୍ତ କରିଛନ୍ତି । ଆତ୍ମାର ସଦଗତି ଓ ପରିବାରବର୍ଗ ପ୍ରତି ସମବେଦନା ଜଣାଇଛନ୍ତି । କଟକ ଜିଲ୍ଲା କଂଗ୍ରେସ ସଭାପତି ମାନସ ଚୌଧୁରୀ ଗଭୀର ଶୋକବ୍ୟକ୍ତ କରିଛନ୍ତି । ମାନସ କହିଛନ୍ତି ଯେ, ବିଜୟଙ୍କ ବିୟୋଗରେ ରାଜ୍ୟରେ ଅପୂରଣୀୟ କ୍ଷତି ଘଟିଛି । ସାଂସଦ ଅଚୁ୍ୟତ ସାମନ୍ତ ଗଭୀର ଶୋକ ପ୍ରକାଶ କରିଛନ୍ତି ।
