ବିଜେପି ଚାପରେ ଚେପା : ନୀତିଶଙ୍କ ମନ୍ତ୍ରୀ ଦେଲେ ଇସ୍ତଫା
ବିଜେପି ଚାପରେ ଚେପା : ନୀତିଶଙ୍କ ମନ୍ତ୍ରୀ ଦେଲେ ଇସ୍ତଫା
admin
3367
ପାଟନା : ବିହାରରେ ଚାଲିଥିବା ରାଜନୈତିକ ଡ୍ରାମା ଥମିବାର ନାମ ନେଉନାହିଁ । ଏନଡିଏ ମେଣ୍ଟ ସରକାର ଗଠନ କରିଥିବା ବେଳେ ନୀତିଶ କୁମାରଙ୍କ ସହିତ ୧୪ ଜଣ ବିଧାୟକ ମନ୍ତ୍ରୀପଦର ଶପଥ ଗ୍ରହଣ କରିଥିଲେ । ତେବେ ଆଶ୍ଚର୍ଯ୍ୟଜନକ ଭାବରେ ଶପଥ ଗ୍ରହଣର ୩ ଦିନ ମଧ୍ୟରେ ଇସ୍ତଫା ପ୍ରଦାନ କରିଛନ୍ତି ଶିକ୍ଷା ମନ୍ତ୍ରୀ ମେୱା ଲାଲ ଚୌଧୁରୀ ।
ଚୌଧୁରୀଙ୍କୁ ଶିକ୍ଷାମନ୍ତ୍ରୀ ଭାବରେ ନିଯୁକ୍ତି କରାଯାଇଥିଲା । ଏପରିକି ମଙ୍ଗଳବାର ଚୌଧୁରୀ ଦାୟିତ୍ୱ ମଧ୍ୟ ଗ୍ରହଣ କରିଥିଲେ । ଅପରାହ୍ନ ୧ଟାରେ ଦାୟିତ୍ୱ ଗ୍ରହଣ କରିଥିବା ଚୌଧୁରୀ ମାତ୍ର କିଛି ଘଣ୍ଟା ମଧ୍ୟରେ ନିଜ ପଦବୀରୁ ଇସ୍ତଫା ଦେଇଥିଲେ ।
ବିହାର କୃଷି ବୈଷୟିକ ବିଶ୍ୱ ବିଦ୍ୟାଳୟରେ ଶିକ୍ଷକ ନିଯୁକ୍ତିରେ ହୋଇଥିବା ଦୁର୍ନୀତି ମାମଲାରେ ଚୌଧୁରୀଙ୍କ ନାମ ଆସିଥିଲା । ୫ ବର୍ଷ ପୁରୁଣା ଏହି ମାମଲାରେ ନାମ ଆସିବା ମେୱା ଲାଲ ଇସ୍ତଫା ପ୍ରଦାନ କରିଥିଲେ । ଚୌଧୁରୀଙ୍କ ଇସ୍ତଫା ପରେ ନିର୍ମାଣ ବିଭାଗ ମନ୍ତ୍ରୀ ଅଶୋକ ଚୌଧୁରୀଙ୍କୁ ଅତିରିକ୍ତ ଭାବରେ ଶିକ୍ଷା ବିଭାଗର ଦାୟିତ୍ୱ ପ୍ରଦାନ କରାଯାଇଛି ।
ଏହି ଘଟଣା ପରେ ଜେଡିୟୁ ନେତା ତେଜସ୍ୱୀ ଯାଦବ ନୀତିଶ କୁମାରଙ୍କୁ ସମାଲୋଚନା କରିଛନ୍ତି । ଜଣେ ଦୁର୍ନୀତିଗ୍ରସ୍ତଙ୍କୁ ନୀତିଶ ମନ୍ତ୍ରୀ ପଦ ପ୍ରଦାନ କଲେ ଏବଂ ମାତ୍ର ଦୁଇଘଣ୍ଟା ମଧ୍ୟରେ ସେ ନିଜ ପଦରୁ ଇସ୍ତଫା ପ୍ରଦାନ କରିଥିଲେ । ଏହି ଘଟଣା ପାଇଁ ନୀତିଶ କୁମାର ସମ୍ପୂର୍ଣ୍ଣ ଦାୟୀ ବୋଲି ଏକାଧିକ ଟ୍ୱିଟ କରି ଲେଖିଛନ୍ତି ତେଜସ୍ୱୀ ।
