ବଲାଙ୍ଗୀରରେ ବନ୍ୟା ଯୋଗୁଁ ସ୍କୁଲ-କଲେଜ ଛୁଟି
ବଲାଙ୍ଗୀରରେ ବନ୍ୟା ଯୋଗୁଁ ସ୍କୁଲ-କଲେଜ ଛୁଟି
admin
4796
ବଲାଙ୍ଗୀର: ଲଗାଣ ବର୍ଷା ଫଳରେ ବଲାଙ୍ଗୀରରେ ବନ୍ୟା ଆସିଛି । ବଲାଙ୍ଗୀର ସହର ଠାରୁ ଆରମ୍ଭ କରି ତଳିଆ ଅଂଚଳରେ ଭୟାନକ ସ୍ଥିତି ଉତ୍ପନ୍ନ ହୋଇଛି । ଏଭଳି ସ୍ଥିତିରେ ଜିଲ୍ଲାରେ ଆଜି ସମସ୍ତ ଶିକ୍ଷାନୁଷ୍ଠାନକୁ ଛୁଟି ଘୋଷଣା କରିଛନ୍ତି ଜିଲ୍ଲାପାଳ ।
ବଲାଙ୍ଗୀରରେ ବର୍ଷା ଫଳରେ ବିଭିନ୍ନ ରାସ୍ତାରେ ଅଣ୍ଟାଏ ଉଚ୍ଚର ପାଣି ପ୍ରବାହିତ ହେଉଛି । ସେଥିପାଇଁ ଜିଲ୍ଲାପାଳ ସ୍କୁଲ ଓ କଲେଜକୁ ଛୁଟି ଘୋଷଣା କରିଛନ୍ତି । ବଲାଙ୍ଗିର ତୁଷୁରା-ଗୁଡ୍ଭେଲା ମୁଖ୍ୟ ରାସ୍ତାରେ ୮ ଫୁଟର ବନ୍ୟାଜଳ ପ୍ରବାହିତ ହେଉଛି । ଫଳରେ ବଲାଙ୍ଗୀର ସହରରୁ ସୋନପୁର, ପାଟଣାଗଡ଼, ସମ୍ବଲପୁର ଓ ବରଗଡ଼କୁ ଯୋଗାଯୋଗ ବିଚ୍ଛିନ୍ନ ହୋଇଯାଇଛି ।
ଖୋଦ ଜିଲ୍ଲାପାଳ ନିଜେ ବୁଲି ବୁଲି ସ୍ଥିତି ତଦାରଖ କରୁଛନ୍ତି । ଜଳବନ୍ଦୀ ଥିବା ଲୋକଙ୍କ ଉଦ୍ଧାର କାର୍ୟ୍ୟରେ ଉଡ୍ରାଫ୍ ଟିମ୍ ନିୟୋଜିତ ହୋଇଛନ୍ତି । ସେପଟେ ସମ୍ବଲପୁର-ଟିଟିଲାଗଡ଼ ରେଳ ଲାଇନ ଧୋଇଯାଇଥିବା ସୂଚନା ମିଳିଛି ।
