ପ୍ରଥମ ଦଳ ଭାବରେ ପ୍ଲେ ଅଫ ଯୋଗ୍ୟତା ଅର୍ଜନ କଲା ମୁମ୍ବାଇ ଇଣ୍ଡିଆନ୍ସ
ପ୍ରଥମ ଦଳ ଭାବରେ ପ୍ଲେ ଅଫ ଯୋଗ୍ୟତା ଅର୍ଜନ କଲା ମୁମ୍ବାଇ ଇଣ୍ଡିଆନ୍ସ
admin
4494
ଦୁବାଇ : ଆଇପିଏଲର ୧୩ ତମ ସଂସ୍କରଣରେ ପ୍ରଥମ ଦଳ ଭାବରେ ପ୍ଲେଅଫ ଯୋଗ୍ୟତା ଅର୍ଜନ କରିଛି ମୁମ୍ବାଇ ଇଣ୍ଡିଆନ୍ସ । ୪୯ଟି ମ୍ୟାଚ ପରେ ପ୍ରଥମ ଦଳ ଭାବରେ ମୁମ୍ବାଇ ପ୍ଲେ ଅଫକୁ ଯାଇଛି । ଗତକାଲିର ମ୍ୟାଚରେ ଚେନ୍ନାଇ କେକେଆରକୁ ପରାସ୍ତ କରିବା ଫଳରେ ୧୬ ପଏଣ୍ଟରେ ରହିଥିବା ମୁମ୍ବାଇ ପ୍ଲେଅଫରେ ପ୍ରବେଶ କରିଛି । ମୁମ୍ବାଇର ଆହୁରି ଦୁଇଟି ମ୍ୟାଚ ବାକି ରହିଥିବା ବେଳେ ଦଳ ଟେବୁଲ ଟପ୍ପର ଭାବରେ ଲିଗ ପର୍ଯ୍ୟାୟ ଶେଷ କରିବାକୁ ଚାହିଁବ ।
ଗତକାଲି ପ୍ରଥମେ ବ୍ୟାଟିଂ କରି କେକେଆର ୧୭୨ ରନ୍ ସଂଗ୍ରହ କରିଥିବା ବେଳେ ଚେନ୍ନାଇ ଜାଡେଜାଙ୍କ ଦମଦାର ପ୍ରଦର୍ଶନ ବଳରେ ମ୍ୟାଚର ଅନ୍ତିମ ବଲରେ ବିଜୟୀ ହୋଇଥିଲା । ଚେନ୍ନାଇ ବିଜୟ ହାସଲ କରିବା ସହିତ କେକେଆରର ପ୍ଲେ ଅଫ୍ ଆଶା ସାମାନ୍ୟ କ୍ଷୀଣ ହୋଇଛି । କେକେଆରକୁ ନିଜର ଅନ୍ତିମ ମ୍ୟାଚରେ ବିଜୟ ହାସଲ କରିବା ସହିତ ଅନ୍ୟ ଦଳ ମାନଙ୍କର ପ୍ରଦର୍ଶନ ଉପରେ ନିର୍ଭର କରିବାକୁ ପଡିବ ।
