ନବଜାତ କନ୍ୟାକୁ ହତ୍ୟା କଲା ପିଶାଚ ପିତା

Aug 1, 2020 - 12:04 Updated: Aug 1, 2020 - 12:04

2539

ମନାଲି : ସରକାରଙ୍କ ପକ୍ଷରୁ ବେଟୀ ବଚାଓ, ବେଟୀ ପଢାଓ ଅଭିଯାନ କରାଯାଉଥିବା ବେଳେ ବାସ୍ତବରେ ଏହା ପ୍ରଭାବହୀନ ରହିଛି । ପୁଅ ବଦଳରେ ଝିଅ ଜନ୍ମ ହେବାରୁ ନବଜାତ କନ୍ୟା ହତ୍ୟା କରିଛି ପିଶାଚ ପିତା । ମନାଲୀର ନାଶଲୋ ଗ୍ରାମର ବାସିନ୍ଦା ହରିଶ କୁମାର ନିଜ ଝିଅକୁ ହତ୍ୟା କରିଥିଲେ । ହରିଶଙ୍କ ପତ୍ନୀ ମୀନା ଦେବୀ ଏ ନେଇ ଥାନାରେ ଅଭିଯୋଗ କରିବା ପରେ ପୋଲିସ୍ ଅଭିଯୁକ୍ତକୁ ଗିରଫ କରିଛି । ହରିଶ ଏବଂ ମୀନା ୮ ବର୍ଷ ତଳେ ବିବାହ କରିଥିିବା ବେଳେ ଉଭୟଙ୍କର ୭ବର୍ଷର ପୁଅ ଏବଂ ୪ ବର୍ଷର ଝିଅ ରହିଛି । ବୁଧବାର ଦିନ କନ୍ୟା ସନ୍ତାନ ଜନ୍ମ ହେବା ପରେ ହରିଶ ମୀନାଙ୍କୁ ମାଡ ମାରିବା ସହିତ ଝିଅଟିକୁ ନିର୍ମମ ଭାବରେ ହତ୍ୟା କରିଥିଲେ । ଏହାପରେ ନବଜାତର ଶବକୁ ନେଇ କେଉଁ ଆଡେ ପଳାଇଥିଲେ । ଏହି ଘଟଣା ପରେ ପୋଲିସ ହରିଶକୁ ଗିରଫ କରିଛି ।