ଧାନକଳରେ କଟି ମହିଳା ଗୁରୁତର

Mar 12, 2020 - 10:29 Updated: Mar 12, 2020 - 10:29

4674

ଧାନକଳରେ କଟି ଜଣେ ମହିଳା ଗୁରୁତର ଆହତ ହୋଇଛନ୍ତି। କେନ୍ଦୁଝର ଜିଲ୍ଲା ଘସିପୁରା ଥାନା ଅନ୍ତର୍ଗତ ଦରଡ଼ିପାଳ ଗାଁରେ ଘଟିଛି ଏହି ଘଟଣା । ଗୁରୁତର ଅବସ୍ଥାରେ ସତ୍ୟଭାମା ରାଉତଙ୍କୁ କଟକ ସ୍ଥାନାନ୍ତର କରାଯାଇଛି। ମିଳିଥିବା ସୂଚନା ଅନୁଯାୟୀ, ଆଜି ସକାଳେ ସତ୍ୟଭାମା ଗାଁରେ ଥିବା କଳକୁ ଧାନ ପେସିବାକୁ ଯାଇଥିଲେ। ମେସିନ୍ରେ ଧାନ ଢାଳୁଥିବା ବେଳେ ଅସାବଧାନତାରୁ ତାଙ୍କ ଚୁଟି ମେସିନ୍ ବେଲ୍ଟ ସଂସ୍ପର୍ଶରେ ଆସି ଗୁଡ଼ାଇ ହୋଇ ଯାଇଥିଲା। ତାଙ୍କୁ ଉଦ୍ଧାର କରାଯାଇ ପ୍ରଥମେ ଆନନ୍ଦପୁର ଡାକ୍ତରଖାନାରେ ଭର୍ତ୍ତି କରାଯାଇଥିଲା। ପରେ ତାଙ୍କୁ କଟକ ସ୍ଥାନାନ୍ତର କରାଯାଇଛି।