ଡାକ୍ତର ଓ ସ୍ୱାସ୍ଥ୍ୟକର୍ମୀଙ୍କ ପାଇଁ ମୁଖ୍ୟମନ୍ତ୍ରୀଙ୍କ ବଡ଼ ଘୋଷଣା, ମୃତୁ୍ୟ ବରଣ କଲେ ୫୦ ଲକ୍ଷ ଓ ରାଷ୍ଟ୍ରୀୟ ମର୍ଯ୍ୟାଦାରେ ଶେଷକୃତ୍ୟ
ଡାକ୍ତର ଓ ସ୍ୱାସ୍ଥ୍ୟକର୍ମୀଙ୍କ ପାଇଁ ମୁଖ୍ୟମନ୍ତ୍ରୀଙ୍କ ବଡ଼ ଘୋଷଣା, ମୃତୁ୍ୟ ବରଣ କଲେ ୫୦ ଲକ୍ଷ ଓ ରାଷ୍ଟ୍ରୀୟ ମର୍ଯ୍ୟାଦାରେ ଶେଷକୃତ୍ୟ
admin
5673
ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଛନ୍ତିଯେ, ଏବେ ସାରା ମାନବସମାଜ କରୋନା ବିରୋଧରେ ଲଢେ଼ଇ କରୁଛି । ଗତ ତିନି ମାସ ମଧ୍ୟରେ କରୋନାରେ ୨ ଲକ୍ଷ ଲୋକଙ୍କ ଜୀବନ ଯାଇସାରିଲାଣି । କେଉଁ ମହାଦେଶ କରୋନାରୁ ବାଦ ପଡ଼ିନାହିଁ । ବିଶ୍ୱର ଅଧିକାଂଶ ଦେଶ ଏବେ ଏହି ଅଦୃଶ୍ୟ ଶତ୍ରୁ ବିରୋଧରେ ଯୁଦ୍ଧ କରୁଛି । ତେବେ ଏହି ଲଢେ଼ଇରେ ଆଗରେ ରହିଛନ୍ତି ଡାକ୍ତର ଓ ସ୍ୱାସ୍ଥ୍ୟ କର୍ମଚାରୀ । ସେମାନେ ହିଁ ଏହି ଲଢେ଼ଇ ଲଢ଼ୁଛନ୍ତି । କରୋନା ପାଇଁ କୌଣସି ଔଷଧ ନଥିବାବେଳେ ସେମାନେ ରିସ୍କ ନେଇ ଆଗଧାଡ଼ିରେ ଲଢେ଼ଇ ଜାରି ରଖିଛନ୍ତି । ଦେଶ ପାଇଁ ଲଢ଼ୁଥିବା ଯୋଦ୍ଧାଙ୍କୁ ସମ୍ମାନ ଦେବା ଆମର ପରମ୍ପରା । ସେମାନଙ୍କ ବଳିଦାନକୁ ଆମେ ସ୍ୱୀକୃତି ଦେଇଆସୁଛୁ । ଏହି କରୋନା ଯୋଦ୍ଧା ପାଇଁ ମୁଖ୍ୟମନ୍ତ୍ରୀ ବଡ଼ ଘୋଷଣା କରିଛନ୍ତି ।
୧. କରୋନା ଚିକିତ୍ସା କରିବା ବେଳେ ଯଦି ଡାକ୍ତର ଓ ସ୍ୱାସ୍ଥ୍ୟକର୍ମୀଙ୍କ ମୃତୁ୍ୟ ହୁଏ ତେବେ ସେମାନଙ୍କ ପରିବାରକୁ ୫୦ ଲକ୍ଷ ଟଙ୍କାର ଅନୁକମ୍ପାମୂଳକ ସହାୟତା ପ୍ରଦାନ କରାଯିବ । ଉଭୟ ସରକାରୀ ଓ ବେସରକାରୀ କ୍ଷେତ୍ରରେ କାର୍ଯ୍ୟରତ ଡାକ୍ତର ଓ ସ୍ୱାସ୍ଥ୍ୟକର୍ମୀଙ୍କ ପରିବାରକୁ ମଧ୍ୟ ଏହି ସହାୟତା ମିଳିବ ।
୨. ସେମାନଙ୍କୁ ରାଜ୍ୟ ସହିଦର ମର୍ଯ୍ୟାଦା ଦେବା ସହ ରାଷ୍ଟ୍ରୀୟ ମର୍ଯ୍ୟାଦାରେ ଶେଷକୃତ୍ୟ କରାଯିବ ।
୩. ସେମାନଙ୍କ ବଳିଦାନକୁ ସ୍ମରଣ କରିବା ପାଇଁ ଏକ ସ୍ୱତନ୍ତ୍ର ପୁରସ୍କାର ପ୍ରଦାନ କରାଯିବ । ଯାହାକି ଜାତୀୟ ଦିବସରେ ପ୍ରଦାନ କରାଯିବ ।
୪. ସେମାନଙ୍କ ପରିବାରକୁ ଅବସର ନେବା ଦିନ ପର୍ଯ୍ୟନ୍ତ ସମ୍ପୂର୍ଣ୍ଣ ଦରମା ପ୍ରଦାନ କରାଯିବ ।
୫. ଆମେ ସମସ୍ତେ ଏହି ଯୋଦ୍ଧାମାନଙ୍କ ସାହସ ଓ ନିଃସ୍ୱାର୍ଥପର ସେବା ପ୍ରତି କୃତଜ୍ଞ ରହିବାକୁ ମୁଖ୍ୟମନ୍ତ୍ରୀ ନିବେଦନ କରିଛନ୍ତି । ସେମାନଙ୍କ ବିରୋଧରେ କୌଣସି କାର୍ଯ୍ୟ ରାଜ୍ୟ ବିରୋଧୀ କାର୍ଯ୍ୟ ବୋଲି ପରିଗଣିତ ହେବ । ଯଦି କେହି ସେମାନଙ୍କ କାର୍ଯ୍ୟରେ ବାଧା ସୃଷ୍ଟି କରେ ବା ସେମାନଙ୍କୁ ଅସମ୍ମାନୀତ କରେ ସେମାନଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।
