ଝାରପଡ଼ା ଜେଲରେ କଏଦୀଙ୍କ ହାତ ତିଆରି ଘଣା ସୋରିଷ ତେଲ ମିଳିବ

Feb 8, 2021 - 09:52 Updated: Feb 8, 2021 - 09:52

6390

ଭୁବନେଶ୍ୱର: ଏବେ ଝାରପଡ଼ା ଜେଲରେ କଏଦୀଙ୍କ ହାତ ତିଆରି ଘଣା ସୋରିଷ ତେଲ ମିଳିବ । ଏଥିପାଇଁ ଜେଲ ପରିସରରେ ସୋରିଷ ପ୍ରକି୍ରୟାକରଣ ୟୁନିଟ ସ୍ଥାପନ କରାଯାଇଛି । ଏହି କାମରେ ନିୟୋଜିତ ହେବାକୁ ଥିବା କଏଦୀଙ୍କୁ ପ୍ରଶିକ୍ଷଣ ମଧ୍ୟ ଦିଆଯାଇଛି । ୧ ଲିଟର ବୋତଲରେ ତେଲ ପ୍ୟାକିଂ କରାଯାଇ ବିକ୍ରୟ କରାଯିବ । ଏହାର ଦାମ ୨୧୦ ଟଙ୍କା ଧାର୍ଯ୍ୟ କରାଯାଇଛି । ଏଥିପାଇଁ ପ୍ରସ୍ତୁତି ଶେଷ ହୋଇଥିବା ବେଳେ ଆସନ୍ତା ୧୦ ତାରିଖରୁ ଏହି ୟୁନିଟ କାର୍ଯ୍ୟକ୍ଷମ ହେବ ବୋଲି ଜେଲ କର୍ତ୍ତୃପକ୍ଷ ସୂଚନା ଦେଇଛନ୍ତି । ଏହା ଦ୍ୱାରା ଲୋକ ବିଶୁଦ୍ଧ ସାମଗ୍ରୀ ପାଇବା ସହ ଏହାର ଲାଭାଂଶ କଏଦୀଙ୍କ କଲ୍ୟାଣ ପାଇଁ ଖର୍ଚ୍ଚ କରାଯିବ ବୋଲି ଜେଲ ପକ୍ଷରୁ କୁହାଯାଇଛି । ସୂଚନା ଯୋଗ୍ୟ, ଏହା ପୂର୍ବରୁ ହଳଦୀ, ବେସନ, ଅଟା, ମାଣ୍ଡିଆ ପ୍ରସ୍ତୁତ ୟୁନିଟ କରାଯାଇ ପ୍ରାୟ ୧ ଲକ୍ଷରୁ ଅଧିକ ଟଙ୍କାର ସାମଗ୍ରୀ ବିକି୍ର ହୋଇସାରିଲାଣି ।