ଜିଲ୍ଲା ଅବକାରୀ ବିଭାଗର ଚଢାଉ : ମୋଟର ସାଇକେଲ୍ ସହ ୫୪ ଲିଟର ମଦ ଜବତ, ୩ ଗିରଫ
ଜିଲ୍ଲା ଅବକାରୀ ବିଭାଗର ଚଢାଉ : ମୋଟର ସାଇକେଲ୍ ସହ ୫୪ ଲିଟର ମଦ ଜବତ, ୩ ଗିରଫ
admin
3608
ଭଦ୍ରକ : ନିର୍ବାଚନକୁ ଆଖି ଆଗରେ ରଖି ଭଦ୍ରକ ଜିଲାପାଳ ଜ୍ଞାନ ଦାସଙ୍କ ନିର୍ଦ୍ଦେଶ କ୍ରମେ ଜିଲ୍ଲା ଅବକାରୀ ଅଧିକ୍ଷକ ରାହାସ ବିହାରୀ ପାତ୍ରଙ୍କ ପ୍ରତ୍ୟେକ୍ଷ ତତ୍ୱାବଧାନରେ ଜିଲାରେ ମାଦକ ଦ୍ରବ୍ୟକୁ ରୋକିବା ନିମନ୍ତେ ଜିଲା ଅବକାରୀ ବିଭାଗ ପକ୍ଷରୁ ବିଭିନ୍ନ ସ୍ଥାନରେ ଚଢାଉ ଜାରି ରହିଛି । ତେବେ ଆଜି ଜିଲ୍ଲା ଅବକାରୀ ବିଭାଗ ପକ୍ଷରୁ ଭଦ୍ରକ ଗ୍ରାମାଞ୍ଚଳ ଥାନା ଅଧୀନସ୍ଥ ନଚ୍ଛିପୁର, ଆଗରପଡା ଥାନା ଅଧୀନସ୍ଥ ବୋଡକପାଟଣାରୁ ୩ ଜଣଙ୍କୁ ଗିରଫ କରାଯାଇ ଏକ ମୋଟର ସାଇକେଲ୍ ସହ ୫୦ ଲିଟର ଆଇଡିଏଲ୍ ମଦ, ୪ ଲିଟର କଂଟ୍ରି ଲିକର ଜବତ କରାଯାଇଛି । ପ୍ରାପ୍ତ ଖବରରୁ ଯାହା ଜଣାଯାଏ ଅବକାରୀ ଅବକାରୀ ବିଭାଗର ମୋବାଇଲ୍ ଇନ୍ସିପେକ୍ଟରଙ୍କ ସୂତ୍ରରୁ ଯାହା ଜଣାଯାଏ ଭଦ୍ରକ ଗ୍ରାମାଞ୍ଚଳ ଥାନା ଅଧୀନସ୍ଥ ନଚ୍ଛିପୁର ଗ୍ରାମର ପ୍ରହଲ୍ଲାଦ ବେହେରା ନିଜର ହୋଣ୍ଡା ସାଇନ୍ ମୋଟର ସାଇକେଲ୍ରେ କୁଣ୍ଡିବାଗର ସାଗର ମୁଣ୍ଡା ସହ ୮୦ ଲିଟର ଆଇଡିଏଲ୍ ମଦ ଧରି ଆସୁଥିବାବେଳେ ଅବକାରୀ ବିଭାଗ ସ୍କ୍ୱାର୍ଡ ହାତରେ ଧରାପଡିଥିଲା । ସେହିଭଳି ଆଗରପଡା ଥାନା ଅଧୀନସ୍ଥ ଭଣ୍ଡାରିପୋଖରୀ ନିର୍ବାଚନ ମଣ୍ଡଳୀର ବୋଡକପାଟଣା ନିବାସୀ ଦୀପକ ଜେନାକୁ ଗିରଫ କରାଯାଇ ତାହା ନିକଟରୁ ୪ ଲିଟର ଦେଶୀ ମଦ ଜବତ ହୋଇଛି । ଗିରଫ ୩ ଜଣଙ୍କୁ ଆଜି କୋର୍ଟ ଚାଲାଣ କରାଯାଇଥିବାର ଜଣାପଡିଛି । ଏହି ଚଢାଉରେ ଇନ୍ସିପେକ୍ଟର ଧନେଶ୍ୱର ବାରାଦ, ଏଏସ୍ଆଇ ପୁରୁଷୋତମ ମଲ୍ଲିକ, ଦୀପକ ରାଉତ, ପରେଶ ଚନ୍ଦ୍ର ଟୁଡୁ, ମୁରଲୀ ପ୍ରଧାନ, ରଶ୍ମିରେଖା ଜେନା ପ୍ରମୁଖ ସାମିଲ୍ ଥିଲେ । ଏଠାରେ ସୂଚନାଯୋଗ୍ୟ ଆଗାମୀ ଦିନରେ ଏହି ଚଢାଉକୁ ଆହୁରି ବ୍ୟାପକ କରାଯିବା ବୋଲି ଜିଲା ଅବକାରୀ ବିଭାଗ ପକ୍ଷରୁ ପ୍ରକାଶ କରାଯାଇଛି ।
