ଛାତ୍ରୀଙ୍କୁ ଅଶାଳୀନ ବ୍ୟବହାର ପଡ଼ିଲା ମହଙ୍ଗା, ନିସ୍ତୁକ ମାଡ଼ ଖାଇଲେ ସ୍କୁଲ ଅଧ୍ୟକ୍ଷ
ଛାତ୍ରୀଙ୍କୁ ଅଶାଳୀନ ବ୍ୟବହାର ପଡ଼ିଲା ମହଙ୍ଗା, ନିସ୍ତୁକ ମାଡ଼ ଖାଇଲେ ସ୍କୁଲ ଅଧ୍ୟକ୍ଷ
admin
6315
ଧାଧାମରା: ଛୋଟ ସ୍କୁଲ ଛାତ୍ରୀଙ୍କ ସହ କଦର୍ଯ୍ୟ ଭାଷାରେ କଥା ହେବା ଏକ ସ୍କୁଲର ଅଧ୍ୟକ୍ଷଙ୍କୁ ମହଙ୍ଗା ପଡ଼ିଛି । ତାଙ୍କୁ ଆକ୍ରମଣର ଶିକାର ହେବା ସହିତ ପୁଲିସ ମଧ୍ୟ ତାଙ୍କୁ ଅଟକ ରଖି ପଚରାଉଚରା କରୁଛି ।
ସ୍କୁଲର ଅଧ୍ୟକ୍ଷ ୬୦ ବର୍ଷୀୟା ଦେବେନ୍ଦ୍ର ପଟ୍ଟନାୟକ । ଶ୍ରୀ ପଟ୍ଟନାୟକ ତିନିବର୍ଷ ତଳେ ଭଦ୍ରକ ଧାମରା ଅଞ୍ଚଳର ଏକ ସ୍କୁଲରେ ଅଧ୍ୟକ୍ଷ ଭାବେ ଯୋଗ ଦେଇଥିଲେ । ସେହି ସ୍କୁଲରେ ସମ୍ପୃକ୍ତ ନାବାଳିକା ଜଣକ ପାଠ ପଢ଼ନ୍ତି । ନାବାଳିକାଙ୍କ ବାପାଙ୍କ ଅଭିଯୋଗ ଅନୁସାରେ ସ୍କୁଲ ଅଧ୍ୟକ୍ଷ ତାଙ୍କ ଝିଅକୁ ବାରମ୍ବାର ଫୋନ କରି ଅଶାଳୀନ କଥା ହେଉଥିଲେ । ଦୁର୍ବ୍ୟବହାର ମଧ୍ୟ କରୁଥିଲେ । ଏହି କଥାବାର୍ତ୍ତାର ଅଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା । ଅଡିଓଟି ବି ଝିଅର ବୋଲି ତାଙ୍କ ବାପା ଦାବି କରିଛନ୍ତି । ଅଡିଓ ଭାଇରାଲ ହେବା ପରେ ଶ୍ରୀ ପଟ୍ଟନାୟକ ଫେରାର ହେବାକୁ ଉଦ୍ୟମ କରିବା ସମୟରେ ନାବାଳିକାଙ୍କ ବାପା ଓ ଗ୍ରାମବାସୀଙ୍କ ହାବୁଡ଼ରେ ପଡ଼ିଯାଇଥିଲେ । ଅଧ୍ୟକ୍ଷ ଓ ତାଙ୍କ ସହ ଥିବା ଦୁଇଜଣଙ୍କୁ ଜଙ୍ଗଲକୁ ଧରି ନେଇ ନିର୍ଘାତ ମାଡ଼ ମାରିଥିଲେ ନାବାଳିକାଙ୍କ ବାପା ଓ ଗ୍ରାମବାସୀ । ପୁଲିସ ତାଙ୍କୁ ଅଟକ ରଖି ପଚରା ଉଚରା କରୁଛି ।
