ଛତିଶଗଡର ଯୁବତୀଙ୍କୁ ଦୁଷ୍କର୍ମ

Sep 3, 2019 - 09:54 Updated: Sep 3, 2019 - 09:54

6649

ଭୁବନେଶ୍ୱର: ଛତିଶଗଡ଼ ରାଜ୍ୟ ରାୟପୁର ଅଞ୍ଚଳରେ ସତ୍ୟ ମାଇକ୍ରୋ କ୍ୟାପିଟାଲ ଲିମିଟେଡ ନାମକ ଏକ ସଂସ୍ଥା ରହିଛି। ଯେଉଁଥିରେ କି ଉତ୍ତର ପ୍ରଦେଶ ଜିଲା ଭାପୁର, ସିଙ୍ଗନପୁର ଅଞ୍ଚଳର ଜୟ କୁମାର ରାଜ୍ୟ ମୁଖ୍ୟ ଭାବେ କାର୍ଯ୍ୟ କରନ୍ତି। ଉକ୍ତ ସଂସ୍ଥାରେ ବଳାତ୍କାରର ଶିକାର ହୋଇଥିବା ଯୁବତୀ ଜଣକ ମଧ୍ୟ ଜଣେ କର୍ମଚାରୀ ଥିଲେ। ତେବେ ଗତ ୪ ମାସ ପୂର୍ବେ ଯୁବତୀ ଜଣକ ସେଠାରୁ ଚାକିରି ଛାଡିଦେଇଥିଲେ। ପୁନର୍ବାର ଚାକିରି ପାଇଁ ସେ ଜୟ କୁମାରଙ୍କୁ ଯୋଗାଯୋଗ କରିଥିଲେ। ଚାକିରି ଦେବା ନାଁରେ ଜୟ ଯୁବତୀଙ୍କୁ ଭୁବନେଶ୍ୱର ଲକ୍ଷ୍ମୀସାଗର ଥାନା ଅଞ୍ଚଳରେ ଥିବା ଏକ ଲଜିଂକୁ ଡାକିଥିଲେ। ଯୁବତୀ ଓ ତାଙ୍କର ଜଣେ ସାଙ୍ଗ ଗତ ୧ ତାରିଖରେ ସେଠାକୁ ଆସିଥିଲେ। ସେଠାରେ ଜୟ କୁମାର ଯୁବତୀଙ୍କ ଇଣ୍ଟରବ୍ୟୁ ନେବାପରେ ଚାକିରି ନିଶ୍ଚିତ ହୋଇଯିବା କହି ବଳାତ୍କାର କରିଥିଲେ। ଏ ନେଇ ଯୁବତୀ ଜଣକ ୨ ତାରିଖରେ ଥାନାରେ ଅଭିଯୋଗ କରିଥିବା ବେଳେ ମଙ୍ଗଳବାର ପୋଲିସ ମାମଲା ନଂ. ୨୪୦/୧୯ ଦଫା ୩୭୬ରେ ଅଭିଯୁକ୍ତ ଜୟଙ୍କୁ ଗିରଫ କରିଛି।