ଚିହ୍ନଟ ୩ ଆକ୍ରାନ୍ତ ପଶ୍ଚିମବଙ୍ଗ ଫେରନ୍ତା
ଚିହ୍ନଟ ୩ ଆକ୍ରାନ୍ତ ପଶ୍ଚିମବଙ୍ଗ ଫେରନ୍ତା
admin
5611
କରୋନା ପାଇଁ ଓଡ଼ିଶାରେ ଏବେ ଭୟର ବାତାବରଣ ସୃଷ୍ଟି ହୋଇଛି । କରୋନା ମୁକାବିଲା ପାଇଁ ରାଜ୍ୟ ସରକାରଙ୍କ ବିଭିନ୍ନ ସତର୍କତାମୂଳକ ପଦକ୍ଷେପ ସତ୍ତ୍ୱେ ରାଜ୍ୟରେ କରୋନା ପଜିଟିଭ ସଂଖ୍ୟା ଧୀରେ ଧୀରେ ବୃଦ୍ଧି ପାଉଛି । ବିଶେଷ କରି କୋଲକାତା ଫେରନ୍ତାଙ୍କ ପାଇଁ ପଜିଟିଭ ସଂଖ୍ୟା ବୃଦ୍ଧିକୁ ନେଇ ସମସ୍ତେ ଚିନ୍ତିତ । ଆଜି କେନ୍ଦୁଝର, ଦେବଗଡ଼ ଓ ଝାରସୁଗୁଡ଼ାରେ ଚିହ୍ନଟ ୩ ଆକ୍ରାନ୍ତ ମଧ୍ୟ ପଶ୍ଚିମବଙ୍ଗ ଫେରନ୍ତା ବୋଲି ସରକାରୀ ତଥ୍ୟରୁ ଜଣାପଡ଼ିଛି ।
ପ୍ରକାଶ ଯେ, ରାଜ୍ୟର ଆଉ ୩ଜିଲ୍ଲାକୁ କରୋନା ଛୁଇଁଛି । ସେଗୁଡ଼ିକ ହେଲା କେନ୍ଦୁଝର, ଦେବଗଡ଼ ଓ ଝାରସୁଗୁଡ଼ା । ପ୍ରତି ଜିଲ୍ଲାରେ ଆଜି ଜଣେ ଲେଖାଏଁ ପଜିଟିଭ ମିିଳିଥିବା ସୂଚନା ମିଳିଛି । ୩ ନୂଆ ଆକ୍ରାନ୍ତଙ୍କ ସମ୍ପର୍କରେ ସ୍ୱାସ୍ଥ୍ୟ ବିଭାଗ ପକ୍ଷରୁ ସୂଚନା ଦିଆଯାଇଛି ।
ଅନ୍ୟପକ୍ଷରେ ନୂଆ ୩ ଜିଲ୍ଲାର ୩ କରୋନା ଆକାନ୍ତଙ୍କ ତଥ୍ୟ ରାଜ୍ୟ ସରକାର ଦେଇଛନ୍ତି । ସମସ୍ତ ୩ ଜଣ ପଶ୍ଚିମବଙ୍ଗ ଫେରନ୍ତା ବୋଲି ସୂଚନା ଦିଆଯାଇଛି । ୩ ଜଣଙ୍କ ମଧ୍ୟରେ କେନ୍ଦୁଝରରେ ଜଣେ ବୃଦ୍ଧ ଥିବାବେଳେ ଦେବଗଡ଼ରେ ଜଣେ ଯୁବକ ଓ ଝାରସୁଗୁଡ଼ାରେ ଜଣେ ଯୁବତୀ ସାମିଲ ଅଛନ୍ତି । କେନ୍ଦୁଝର ଆକ୍ରାନ୍ତଙ୍କ ବୟସ ୬୦ ବର୍ଷ ହୋଇଥିବାବେଳେ ଘର ଘସିପୁରା ଥାନା ପଞ୍ଚପଲ୍ଲୀରେ । ଦେବଗଡ଼ ଆକ୍ରାନ୍ତଙ୍କ ବୟସ ୩୪ ବର୍ଷ ହୋଇଥିବାବେଳେ ଘର ବାସୁଦେବପୁରରେ । ସେହିପରି ଝାରସୁଗୁଡ଼ା ଆକ୍ରାନ୍ତଙ୍କ ବୟସ ୧୮ ହୋଇଥିବାବେଳେ ତାଙ୍କର ବ୍ରଜରାଜନଗରରେ ବୋଲି ସୂଚନା ଦିଆଯାଇଛି ।
