ଚନ୍ଦ୍ରଯାନ-୨ ଚନ୍ଦ୍ରର ୩ୟ କକ୍ଷପଥରେ ପ୍ରବେଶ କଲା
ଚନ୍ଦ୍ରଯାନ-୨ ଚନ୍ଦ୍ରର ୩ୟ କକ୍ଷପଥରେ ପ୍ରବେଶ କଲା
admin
2712
ନୂଆଦିଲ୍ଲୀ: ଭାରତୀୟ ମହାକାଶ ଗବେଷଣା ପ୍ରତିଷ୍ଠାନ(ଇସ୍ରୋ) ପକ୍ଷରୁ ଚନ୍ଦ୍ରପୃଷ୍ଠକୁ ପଠାଯାଇଥିବା ଚନ୍ଦ୍ରଯାନ-୨ ବୁଧବାର ଚନ୍ଦ୍ରର ୩ୟ କକ୍ଷପଥରେ ପହଞ୍ଚିଛି। ଇସ୍ରୋ ସକାଳ ୯ଟା ୪ ମିନିଟରେ ଚନ୍ଦ୍ରଯାନ-୨କୁ ଚନ୍ଦ୍ରର ତୃତୀୟ କକ୍ଷପଥରେ ପ୍ରବେଶ କରାଇଥିଲା। ଏହି କକ୍ଷପଥରେ ଚନ୍ଦ୍ରଯାନ-୨ ଆହୁରି ୨ ଦିନ ପର୍ୟ୍ୟନ୍ତ ପରିକ୍ରମା କରିବ। ଏହା ପରେ ଆସନ୍ତା ୩୦ ତାରିଖରେ ଚନ୍ଦ୍ରଯାନ-୨କୁ ୪ର୍ଥ କକ୍ଷପଥରେ ଏବଂ ସେପ୍ଟେମ୍ବର ୧ରେ ୫ମ କକ୍ଷପଥରେ ପ୍ରବେଶ କରାଯିବ। ସେପ୍ଟେମ୍ବର ୭ରେ ଚନ୍ଦ୍ରଯାନ-୨ ଚନ୍ଦ୍ରପୃଷ୍ଠରେ ଅବତରଣ କରିବ ବୋଲି ଇସ୍ରୋ ପକ୍ଷରୁ ସୂଚନା ଦିଆଯାଇଛି।
ଗତ ସୋମବାର ଚନ୍ଦ୍ରଯାନ-୨ ଚନ୍ଦ୍ରପୃଷ୍ଠର କିଛି ଫଟୋ ଉତ୍ତୋଳନ କରି ଇସ୍ରୋକୁ ପଠାଇଥିଲା। ଚନ୍ଦ୍ରପୃଷ୍ଠରେ ବଡ଼ ବଡ଼ ଗର୍ତ୍ତ ରହିଥିବା ଏହି ଫଟୋରୁ ଜଣାପଡ଼ିଥିଲା।
