ଗାଡି ମଡାଇ ସବଇନ୍ସପେକ୍ଟରଙ୍କୁ ହତ୍ୟା
ଗାଡି ମଡାଇ ସବଇନ୍ସପେକ୍ଟରଙ୍କୁ ହତ୍ୟା
admin
ରାଞ୍ଚି: ଝାଡଖଣ୍ଡରେ ହରିୟାଣା ହତ୍ୟା ଘଟଣାର ପୁନରାବୃତ୍ତି । ଚେକ ପୋଷ୍ଟରେ ଗାଡି ଯାଞ୍ଚ ସମୟରେ ଗାଡି ମଡାଇ ମହିଳା ସବଇନ୍ସପେକ୍ଟର ସନ୍ଧ୍ୟା ଟପୋଙ୍କୁ ହତ୍ୟା କରାଯାଇଛି । ଗାଡ଼ି ଜବତ ସହ ଅଭିଯୁକ୍ତ ଅଟକ ଥିବା ରାଞ୍ଚି SSP ସୂଚନା ଦେଇଛନ୍ତି ।
ଚେକ ପୋଷ୍ଟରେ ଗାଡି ଚାଳକଙ୍କ ଚେକିଂ ଚାଲିଥିଲା । ଗୋଟିଏ ଗାଡିକୁ ଅଟକିବାକୁ କହିଥିଲେ ସବଇନ୍ସପେକ୍ଟର ସନ୍ଧ୍ୟା ଟପୋ । ମାତ୍ର ଗାଡି ଅଟକି ନଥିଲା । ଏସଆଇ ସନ୍ଧ୍ୟା ଟପୋଙ୍କୁ ଧକ୍କା ଦେଇ ଗାଡିଟି ଚାଲି ଯାଇଥିଲା । ତାଙ୍କୁ ଉଦ୍ଧାର କରାଯାଇ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ସେଠାରେ ତାଙ୍କର ମୃତ୍ୟୁ ହୋଇଛି । ଗୁମଲା ଏବଂ ଖୁଣ୍ଟି ପୋଲିସ ଅପରାଧୀଙ୍କୁ କାବୁ କରିବାକୁ ପିଛା କରିଥିଲା । ଅଭିଯୁକ୍ତ ଅଟକ ଥିବା ରାଞ୍ଚି ଏସଏସପି ସୂଚନା ଦେଇଛନ୍ତି ।
ପ୍ରକାଶ ଥାଉ କି, ଗତକାଲି ହରିୟାଣା ହୁନ ଜିଲ୍ଲାରେ ଏକ ଜଘନ୍ୟକାଣ୍ଡ ଘଟିଥିଲା । ବେଆଇନ ପଥର ଖନନର ତଦନ୍ତ ପାଇଁ ଯାଇଥିବା ଡିଏସପି ସୁରେନ୍ଦ୍ର ସିଂହ ବିଷ୍ଣୋଇଙ୍କୁ ମାଫିଆମାନେ ଡ୍ରମ୍ପର ଚଢାଇ ହତ୍ୟା କରିଥିଲେ । ଘଟଣାକୁ ମାତ୍ର କିଛି ଘଣ୍ଟା ନପୁରୁଣୁ ରାଞ୍ଚିରେ ଘଟିଛି ଆଉ ଏକ ଜଘନ୍ୟକାଣ୍ଡ ।
