ଖଣ୍ଡପଡାରୁ ଲଢିବେ ସୌମ୍ୟରଂଜନ
ଖଣ୍ଡପଡାରୁ ଲଢିବେ ସୌମ୍ୟରଂଜନ
admin
5732
ଭୁବନେଶ୍ୱର : ରାଜ୍ୟସଭା ସାଂସଦ ସୌମ୍ୟରଞ୍ଜନ ପଟ୍ଟନାୟକ ଖଣ୍ଡପଡ଼ାରୁ ଲଢ଼ିବେ । ପୂର୍ବରୁ କଂଗ୍ରେସ ଓ ଆମ ଓଡ଼ିଶା ଟିକେଟରେ ଲଢ଼ି ପରାଜୟ ବରଣ କରିଥିବା ସୌମ୍ୟରଂଜନ ଏଥର ବିଜେଡ଼ି ଟିକେଟରେ ଲଢ଼ିବାକୁ ଯାଉଛନ୍ତି । ଲୋକସଭା, ରାଜ୍ୟସଭାରେ ପ୍ରତିନିଧିତ୍ୱ କରି ସାରିଥିବା ସୌମ୍ୟ ଏବେ ବିଧାନସଭାରେ ପ୍ରତିନିଧିତ୍ୱ କରିବାକୁ ମନବଳାଇଛନ୍ତି । ଅପରପକ୍ଷରେ ଦଳୀୟ ସୁପ୍ରିମୋ ନବୀନ ପଟ୍ଟନାୟକ ମଧ୍ୟ ସବୁଜ ସଂକେତ ଦେଇଥିବା ଜାଣିବାକୁ ମିଳିଛି ।]
ସୂଚନାଯୋଗ୍ୟଯେ, ସୌମ୍ୟରଂଜନ ତିନି ବର୍ଷ ଧରି ବିଜେଡ଼ିର ଯୋଗାଯୋଗରେ ରହିଥିଲେ । କିନ୍ତୁ ସେ ୮ଟି ବିଧାନସଭା ଆସନ ମାଗୁଥିବାରୁ ଦଳ ତାହାକୁ ଗ୍ରହଣ କରିନଥିଲା । ତେବେ ପରବର୍ତୀ ସମୟରେ ତାଙ୍କୁ ରାଜ୍ୟସଭାର ଟିକେଟ ମିଳିବାରୁ ସେ ବିଜେଡିରେ ସାମିଲ ହୋଇଥିଲେ । ଧିରେଧିରେ ବିଜେଡ଼ିରେ ଧାକ ଜମାଇବା ପରେ ସୌମ୍ୟରଂଜନ ଖଣ୍ଡପଡ଼ା ଆସନରେ ଲଢ଼ିବାକୁ ଆଗ୍ରହ ପ୍ରକାଶ କରିଥିଲେ । ସେହିପରି ନିଜର ଅନୁଗତ ପ୍ରଦୀପ ସାହୁଙ୍କ ପାଇଁ ମଧ୍ୟ ବେଗୁନିଆ ଟିକେଟ ନେବାକୁ ଲବି କରିଥିଲେ । ତେବେ ସଦ୍ୟତମ ସୂଚନା ଅନୁଯାୟୀ ସୌମ୍ୟରଂଜନଙ୍କୁ ଖଣ୍ଡପଡ଼ା ପାଇଁ ସବୁଜ ସଂକେତ ମିଳିଛି ।
