କମାଲ କରୁଛି ମାଷ୍ଟରର ଟିଜର : ୩ ଦିନରେ ଦେଖିଲେଣି ୨୮ ମିଲିୟନ ଲୋକ
କମାଲ କରୁଛି ମାଷ୍ଟରର ଟିଜର : ୩ ଦିନରେ ଦେଖିଲେଣି ୨୮ ମିଲିୟନ ଲୋକ
admin
3704
ଚେନ୍ନାଇ : ଦୀପାବଳି ଅବସରରେ ରିଲିଜ ହୋଇଥିଲା ତାମିଲ ଫିଲ୍ମ ମାଷ୍ଟରର ଟିଜର । ଏହି ଟିଜରକୁ ପ୍ରାୟ ୨୮ ମିଲିୟନ ଦର୍ଶକ ଦେଖି ସାରିଲେଣି । ୯୧ ସେକେଣ୍ଡର ଏହି ଟିଜରରେ ବିଜୟଙ୍କ ଚରିତ୍ରର ନାମ ପ୍ରଫେସର ଜେଡି ଭାବରେ ଦେଖାଯାଇଛି । ଏହା ସହିତ ବିଜୟ ସେଥୁପତି ଫିଲ୍ମରେ ଜଣେ ଗ୍ୟାଙ୍ଗଷ୍ଟାର ଭୂମିକାରେ ନଜର ଆସିଛନ୍ତି ।
ଲୋକେଶ କଙ୍ଗାରରାଜୁ ନିଦେ୍ର୍ଧଶିତ ଏହି ଫିଲ୍ମରେ ଜବରଦସ୍ତ ଆକ୍ସନ ସିକ୍ୱେନ୍ସ ଦେଖିବାକୁ ମିଳିବ । ଟିଜର ରିଲିଜ ହେବାର ମାତ୍ର ୧ ଘଣ୍ଟା ମଧ୍ୟରେ ୯ ମିଲିୟନ ଲୋକ ଏହାକୁ ଦେଖିଥିଲେ । ତେବେ ଏହା ବିଜୟଙ୍କ ପୂର୍ବ ଫିଲ୍ମ ବିଗିଲର ରେକର୍ଡ ଭାଙ୍ଗିବାରେ ସକ୍ଷମ ହୋଇନଥିଲା । ବିଗିଲକୁ ୧ ଘଣ୍ଟାରେ ୯.୩ ମିଲିୟନ ଲୋକ ଦେଖିଥିଲେ । ସେହିପରି ଫିଲ୍ମର ଟିଜରକୁ ପ୍ରାୟ ୨.୨ ମିଲିୟନ ଲୋକ ଲାଇକ କରିଛନ୍ତି । ମାଲବିକା ମୋହନନ ମୁଖ୍ୟ ନାୟିକା ଭୂମିକାରେ ରହିଥିବା ବେଳେ ଆଣ୍ଡ୍ରିଆ ଜେରେମ୍ୟା ଏବଂ ଅର୍ଜୁନ ଦାସ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଚରିତ୍ରରେ ନଜର ଆସିବେ ।
ଏପ୍ରିଲ ୨୦୨୦ରେ ରିଲିଜ ହେବାକୁ ଥିବା ଫିଲ୍ମର ରିଲିଜ ତାରିଖ କରୋନା ଭାଇରସ କାରଣରୁ ଘୁଞ୍ଚିଯାଇଛି । ଫିଲ୍ମଟି ୨୦୨୧ ପୋଙ୍ଗଲ ସମୟରେ ରିଲିଜ ହେବ ବୋଲି ଜଣାପଡିଛି । ଅନିରୁଦ୍ଧ ରବିଚନ୍ଦର ଏହି ଫିଲ୍ମର ସଙ୍ଗୀତ ନିଦେ୍ର୍ଧଶନା ଦେଇଛନ୍ତି । ବିଜୟଙ୍କ ପୂର୍ବ ଫିଲ୍ମ ବିଗିଲ ୩୦୦ କୋଟି ଆୟ କରିଥିବାରୁ ଏହି ମଲ୍ଟିଷ୍ଟାରର ଫିଲ୍ମ ବକ୍ସ ଅଫିସରେ ସଫଳ ହେବ ବୋଲି ଆଶା କରାଯାଉଛି ।
