ଉତ୍ତର ଦିଲ୍ଲୀର ଛତ୍ରଶାଳ ହତ୍ୟାକାଣ୍ଡ ମାମଲାରେ ଅଲିମ୍ପିକ ପଦକ ବିଜେତା ସୁଶୀଲ କୁମାର
ଉତ୍ତର ଦିଲ୍ଲୀର ଛତ୍ରଶାଳ ହତ୍ୟାକାଣ୍ଡ ମାମଲାରେ ଅଲିମ୍ପିକ ପଦକ ବିଜେତା ସୁଶୀଲ କୁମାର
admin
4700
ନୂଆଦିଲ୍ଲୀ: ଉତ୍ତର ଦିଲ୍ଲୀର ଛତ୍ରଶାଳ ଷ୍ଟାଡିୟମରେ ଘଟିଥିବା କୁସ୍ତିଯୋଦ୍ଧା ହତ୍ୟାକାଣ୍ଡ ମାମଲାରେ ଅଲିମ୍ପିକ ପଦକ ବିଜେତା ସୁଶୀଲ କୁମାରଙ୍କ ନାମ ଛନ୍ଦି ହୋଇଯାଇଛି । ଥାନାରେ ଦିଆଯାଇଥିବା ଏଫଆଇଆରରେ ସୁଶୀଲଙ୍କ ନାମ ରହିଥିବା ଜଣାପଡ଼ିଛି । ତଦନ୍ତରୁ ଜଣାପଡିଛି ଯେ ସୁଶୀଲ କୁମାର, ଅଜୟ, ପ୍ରିନ୍ସ ଦଲାଲ, ସୋନୁ, ସାଗର, ଅମିତ କୁମାର ଓ ଅନ୍ୟମାନେ ଛତ୍ରଶାଳ ଷ୍ଟାଡିୟମର ପାର୍କିଂ ଅଞ୍ଚଳରେ ଗଣ୍ଡଗୋଳରେ ଲିପ୍ତ ଥିଲେ । ଦେଶର ଏକମାତ୍ର କ୍ରୀଡ଼ାବିତ ଭାବେ ଦୁଇଟି ବ୍ୟକ୍ତିଗତ ଅଲିମ୍ପିକ ପଦକ ଜିତିଥିବା ସୁଶୀଲ କୁମାର ମଧ୍ୟ ୨୦୧୭ ମସିହାରେ ପ୍ରବୀଣ କୁମାର ନାମକ ଜଣେ କୁସ୍ତିଯୋଦ୍ଧାଙ୍କ ସହ ଗଣ୍ଡଗୋଳ କରିଥିବାର ପୁର୍ବ ରେକର୍ଡ ରହିଛି । ମଡେଲ ଟାଉନ୍ ଥାନା ପୁଲିସ ଅଧିକାରୀମାନେ ମଙ୍ଗଳବାର ଓ ବୁଧବାର ରାତିରେ ମଧ୍ୟ ତଦନ୍ତ କରିବା ପରେ ସୁଶୀଲଙ୍କ ସମ୍ପୃକ୍ତି ନେଇ ବିଶ୍ୱାସ କରୁଛନ୍ତି । ଘଟଣାସ୍ଥଳରେ ୫ଟି କାର ମଧ୍ୟ ଭଙ୍ଗାରୁଜା ଅବସ୍ଥାରେ ରହିଛି । ସେମାନେ ମଧ୍ୟ ବନ୍ଧୁକ ଓ ଜୀବନ୍ତ ଗୁଳି ଜବତ କରିଛନ୍ତି । ଗଣ୍ଡଗୋଳରେ ଜଣେ ୨୩ ବର୍ଷୀୟ କୁସ୍ତିଯୋଦ୍ଧା ସାଗରଙ୍କ ମୃତୁ୍ୟ ଘଟିଥିଲା ବେଳେ ତାଙ୍କର ୩ ବନ୍ଧୁ ଆହତ ହୋଇଛନ୍ତି । ଅଭିଯୁକ୍ତଙ୍କ ନାମରେ ୩୦୨, ୩୬୫, ୧୨୦ (ବି) ଆଇପିସି ଧାରାରେ ମାମଲା ରୁଜୁ ହୋଇଛି ।
