ଉତରାଖଣ୍ଡ ମୁଖ୍ୟମନ୍ତ୍ରୀଙ୍କ ଇସ୍ତଫା

Mar 9, 2021 - 11:16 Updated: Mar 9, 2021 - 11:16

5875

ନୂଆଦିଲ୍ଲୀ: ଉତରାଖଣ୍ଡ ମୁଖ୍ୟମନ୍ତ୍ରୀ ପଦରୁ ତ୍ରିବେନ୍ଦ୍ର ସିଂ ରାୱତ ଇସ୍ତଫା ଦେଇଛନ୍ତି । ରାଜ୍ୟପାଳ ବେବିରାଣୀ ମୌର୍ଯ୍ୟଙ୍କୁ ଇସ୍ତଫା ପତ୍ର ପ୍ରଦାନ କରିଛନ୍ତି । ଇସ୍ତଫା ନେଇ ପ୍ରେସମିଟରେ ତ୍ରିବେନ୍ଦ୍ର ସିଂ ରାୱତ ସୂଚନା ଦେଇଛନ୍ତି । ଚାରି ବର୍ଷ ପାଇଁ ଦଳ ତାଙ୍କୁ ଏହି ଦାୟିତ୍ୱରେ ରଖିଥିବାରୁ ସେ ଧନ୍ୟବାଦ ଦେଇଛନ୍ତି । ତ୍ରିବେନ୍ଦ୍ର ଗତକାଲି ଦିଲ୍ଲୀ ଗସ୍ତ କରିଥିଲେ। ଏହି ସମୟରେ ସେ ବିଜେପିର ଶୀର୍ଷ ନେତାଙ୍କୁ ଭେଟିଥିଲେ । ଆସନ୍ତାବର୍ଷ ଉତ୍ତରାଖଣ୍ଡରେ ବିଧାନସଭା ନିର୍ବାଚନ ହେବ । ଏହା ପୂର୍ବରୁ ଶାସକ ଦଳ ବିଜେପିରେ ବଡ଼ ଧରଣର ପରିବର୍ତ୍ତନ ଦେଖିବାକୁ ମିଳିଛି । ଆଜି ଶ୍ରୀ ରାୱତ ରାଜ୍ୟପାଳ ବେବିରାଣୀ ମୌର୍ଯ୍ୟଙ୍କୁ ନିଜର ଇସ୍ତଫା ପତ୍ର ପ୍ରଦାନ କରିଛନ୍ତି । ଅପରପକ୍ଷରେ ରାୱତଙ୍କ ପରେ କିଏ ମୁଖ୍ୟମନ୍ତ୍ରୀ ହେବେ ତାହାକୁ ନେଇ ଜୋରଦାର ଚର୍ଚ୍ଚା ଆରମ୍ଭ ହୋଇଯାଇଛି । ତାଙ୍କ ମନ୍ତ୍ରୀମଣ୍ଡଳରେ ଥିବା ଧନସିଂହ ରାୱତ ମୁଖ୍ୟମନ୍ତ୍ରୀ ରେସରେ ସର୍ବାଗ୍ରେ ରହିଛନ୍ତି । ଗରୱାଲରେ ଥିବା ଧନସିଂହ ଏକ ହେଲିକପ୍ଟରରେ ରାଜଧାନୀ ଡେରାଡୁନକୁ ଫେରିଥିବାରୁ ଏଭଳି ଚର୍ଚ୍ଚା ଜୋରଧରିଛି । ପୂର୍ବରୁ ବିଜେପି ନେତା ଅଜୟ ଭଟ୍ଟ, ଅନୀଲ ବଲୁନୀ ଓ ସତପାଲ ମହାରାଜ ମୁଖ୍ୟମନ୍ତ୍ରୀ ଦୌଡ଼ରେ ଥିବାନେଇ ଚର୍ଚ୍ଚା ହେଉଥିଲା ।