ଆରପାରିରେ ବିଶିଷ୍ଟ ବ୍ୟବସାୟୀ ଟୁକୁନା ହାତୀ
ଆରପାରିରେ ବିଶିଷ୍ଟ ବ୍ୟବସାୟୀ ଟୁକୁନା ହାତୀ
admin
2541
ପାରାଦ୍ୱୀପ: ବିଶିଷ୍ଟ ବ୍ୟବସାୟୀ ଶଶିକାନ୍ତ ହାତୀ(୫୪) ରବିବାର ରାତିରେ ବ୍ରେନଷ୍ଟୋକରେ ପରଲୋକ ହୋଇଯାଇଛି । ସ୍ଥାନୀୟ ଅଂଚଳରେ ଟୁକୁନା ହାତୀ ନାମରେ ସର୍ବତ୍ର ପରିଚିତ ଥିବା ଶଶିକାନ୍ତଙ୍କର ପାରାଦ୍ୱୀପରେ ବିଭିନ୍ନ ସୋରୁମ ଛଡା ବନ୍ଦର ପଣ୍ୟ କାରବାର କ୍ଷେତ୍ରରେ ବ୍ୟବସାୟମାନ ରହିଅଛି । ସ୍ଥାନୀୟ ଅଂଚଳରେ ଖ୍ୟାତନାମା ବ୍ୟବସାୟୀ ଲାଲମୋହନ ହାତୀଙ୍କ ତୃତୀୟ ସନ୍ତାନ ଥିଲେ ଟୁକୁନା । ମୃତ୍ୟୁ ସମୟରେ ତିନିଭାଇ, ତିନିପୁତ୍ର, ପତ୍ନୀ, ଓ ବନ୍ଧୁମାନେ ଉପସ୍ଥିତ ଥିଲେ । ତାଙ୍କ ମୃତ୍ୟୁରେ ସ୍ଥାନୀୟ ଅଂଚଳରେ ଗଭୀର ଶୋକର ଛାୟା ଖେଳିଯାଇଛି । ସୋମବାର ଦିନ ତାଙ୍କ ମୃତ ଶରୀରକୁ ନେଇ ଏକ ବିରାଟ ଶୋଭାଯାତ୍ରା ଅଠରବାଙ୍କୀ ଠାରୁ ତାଙ୍କ ଗ୍ରାମ ଚୁନ ବେଲାରୀକୁ ଅନ୍ତିମ ଦର୍ଶନ ଲାଗି ନିଆଯାଇଥିଲା । ତାଙ୍କ ବିୟୋଗରେ ସମାଜସେବୀ ଶ୍ରୀବଲ୍ଲଭ କର, ବ୍ୟବସାୟୀ ତୁଷାରକାନ୍ତ ଭୋଇ , ପାରାଦ୍ୱୀପ ଗଡ କଂଟାଘର ଗ୍ରାମବାସୀ, ଅଠରବାଙ୍କୀ ବଣିକସଂଘ ସମେତ ସ୍ଥାନୀୟ ଅଂଚଳର ବହୁ ବ୍ୟବସାୟୀ , ବୁଦ୍ଧିଜିବୀ, ଅନୁଷ୍ଠାନ ଓ ବିଶିଷ୍ଟ ବ୍ୟକ୍ତିମାନେ ଶୋକବ୍ୟକ୍ତ କରି ଶେଷ ସମ୍ମାନ ଜଣାଇଥିଲେ ।
