ଆମେରିକାରେ ପୁଣି ୬୦ ହଜାରରୁ ଅଧିକ ନୂଆ ସଂକ୍ରମଣ ମାମଲା ଚିହ୍ନଟ

Jul 11, 2020 - 09:46 Updated: Jul 11, 2020 - 09:46

3761

ବିଶ୍ୱରେ କରୋନା ସଂକ୍ରମଣ ଯୋଗୁଁ ସର୍ବାଧିକ ପ୍ରଭାବିତ ରାଷ୍ଟ୍ର ଆମେରିକାରେ ପୁଣି ୬୦ ହଜାରରୁ ଅଧିକ ନୂଆ ସଂକ୍ରମଣ ମାମଲା ଚିହ୍ନଟ ହୋଇଛି । ଶୁକ୍ରବାର ଆମେରିକାରେ ୬୦ ହଜାର ୬୪୬ ନୂଆ ମାମଲା ରିପୋର୍ଟ କରାଯାଇଛି । ଏହା ସବୁ ରେକର୍ଡକୁ ଭାଙ୍ଗି ଦେଇଛି । ଆମେରିକାରେ ମୋଟ ଆକ୍ରାନ୍ତଙ୍କ ସଂଖ୍ୟା ୩୨ ଲକ୍ଷ ୨୪ ହଜାର ଟପି ଯାଇଛି ଏବଂ ୧ ଲକ୍ଷ ୩୫ ହଜାରରୁ ଅଧିକ ଲୋକଙ୍କ ମୃତ୍ୟୁ ହୋଇଛି । ତେବେ ପୂର୍ବରୁ ଗତ ୭ ତାରିଖରେ ଆମେରିକା ୬୦ ହଜାର ୨୧ଟି ନୂଆ ମାମଲା ରେକର୍ଡ କରିଥିଲା । ଆମେରିକାର ଫ୍ଲୋରିଡାରେ ସଂକ୍ରମଣ ବଢ଼ିଚାଲିଛି । ଏହା ଏବେ ଆମେରିକାରେ କରୋନା ଭାଇରସର କେନ୍ଦ୍ରସ୍ଥଳ ପାଲଟିଛି । ଫ୍ଲୋରିଡାର ମିଆମି ପ୍ରଦେଶରେ ପରିସ୍ଥିତି ସାଂଘାତିକ ହେବାରେ ଲାଗିଛି । ଏଠାରେ କରୋନା ପଜିଟିଭ ହାର ୩୩ ପ୍ରତିଶତରୁ ଅଧିକ ରହିଛି । ଏହି ପ୍ରଦେଶକୁ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଗସ୍ତ କରିଥିବା ଜଣାପଡ଼ିଛି । ତେବେ ସଂକ୍ରମଣ ବଢ଼ି ଚାଲିଥିବାରୁ ରାଷ୍ଟ୍ରପତି ଟ୍ରମ୍ପ ମାସ୍କ ପିନ୍ଧିବାକୁ ରାଜି ହୋଇଛନ୍ତି । ପୂର୍ବରୁ ମାସ୍କ ପିନ୍ଧିବାକୁ ମନା କରିଥିବା ଟ୍ରମ୍ପ ଶେଷରେ କରୋନାର ଭୟଙ୍କର ରୂପ ଦେଖିବା ପରେ ମାସ୍କ ପିନ୍ଧିବାକୁ ରାଜି ହୋଇଛନ୍ତି । ଆମେରିକାର ଜେଲ ଗୁଡ଼ିକରେ ମୃତ୍ୟୁ ସଂଖ୍ୟା ବଢ଼ିଛି । ଆମେରିକା ଜେଲମାନଙ୍କରେ ୧୦୦ ରୁ ଅଧିକ କଏଦୀଙ୍କ କରୋନାରେ ମୃତ୍ୟୁ ହୋଇଥିବା ଜଣାପଡ଼ିଛି ।