ଆଜି ଜେଲ ଫେରିବେ ପୁଞ୍ଜିଲାଲ, ତା’ ପୁର୍ବରୁ ଯଜ୍ଞ ...
ଆଜି ଜେଲ ଫେରିବେ ପୁଞ୍ଜିଲାଲ, ତା’ ପୁର୍ବରୁ ଯଜ୍ଞ ...
admin
4154
ପାଟଣାଗଡ଼ - ପାଟଣାଗଡ଼ ପାର୍ସଲ ବୋମା ବିସ୍ଫୋରଣର ଅଭିଯୁକ୍ତ ପୁଞ୍ଜିଲାଲ ମେହେର ତାଙ୍କ ମା’ ଇନ୍ଦୁମତୀ ମେହେରଙ୍କ ଆତ୍ମାର ସଦଗତି ପାଇଁ ସେ ଗାୟତ୍ରୀ ଯଜ୍ଞର ଆୟୋଜନ କରିଛନ୍ତି । ପାଟଣାଗଡ଼ ରାମପୁରସ୍ଥିତ ତାଙ୍କ ବାସଭବନରେ ସେ ଏହି ଯଜ୍ଞ ଆୟୋଜନ କରିଥିଲେ । ଆଜି ସକାଳେ ତାଙ୍କ ସର୍ତ୍ତମୂଳକ ଜାମିନ ଅବଧି ଶେଷ ହେଉଥିବାରୁ ସେ ଜେଲ୍ ହାଜତକୁ ଫେରିବେ । ତେଣୁ ଏହା ପୂର୍ବରୁ ସେ ସମସ୍ତ ରୀତିନୀତି ସଂପନ୍ନ କରିଥିବା ସୂଚନା ମିଳିଛି । ପ୍ରକାଶ ଯେ, ଗତ ୧୦ ତାରିଖ ଦିନ ତାଙ୍କ ମା’ ଇନ୍ଦୁମତୀଙ୍କ ଦେହାନ୍ତ ହୋଇଥିଲା । ସୁଦ୍ଧିକ୍ରିୟା ପାଇଁ ହାଇକୋର୍ଟରେ ଜାମିନ ଆବେଦନ କରି ପୁଞ୍ଜିଲାଲ ୪ଦିନିଆ ସର୍ତ୍ତମୂଳକ ଜାମିନରେ ଆସିଥିଲେ । ଏହି ଅବସରରେ ଶୁଦ୍ଧିକ୍ରିୟା ସହ ମା’ ଇନ୍ଦୁମତୀଙ୍କ ଆତ୍ମାର ସଦଗତି ନିମନ୍ତେ ଗାୟତ୍ରୀ ଯଜ୍ଞ କରିଥିଲେ । ଅନ୍ୟପକ୍ଷରେ ପୁଞ୍ଜିଲାଲଙ୍କ ଗତିବିଧିକୁ ନଜର ରଖିବା ପାଇଁ ସାଦା ପୋଷାକଧାରୀ ପୁଲିସ ୨୪ ଘଣ୍ଟା ମୁତୟନ ରହିଛନ୍ତି । ସର୍ତ୍ତମୂଳକ ଜାମିନ ଅବଧି ଆଜି ସକାଳେ ସରିବାକୁ ଥିବାରୁ ସକାଳେ ପୁଞ୍ଜିଲାଲ ପାଟଣାଗଡ଼ ଏଡିଜେ କୋର୍ଟରେ ହାଜର ହେବ ବୋଲି ଜଣାପଡ଼ିଛି । ସେଠାରୁ ତାଙ୍କୁ ପୁଣି ଜିଲ୍ଲା କାରାଗରକୁ ନିଆଯିବ ବୋଲି ସୂଚନା ମିଳିଛି ।
