ଆଜି ଚିଲିକାରେ ପକ୍ଷୀ ଗଣନା
ଆଜି ଚିଲିକାରେ ପକ୍ଷୀ ଗଣନା
admin
5180
ବାଲୁଗାଁ : ପ୍ରତ୍ୟେକ ବର୍ଷ ପରି ଚଳିତ ବର୍ଷ ଚିଲିକାରେ ପକ୍ଷୀଗଣନା ଆଜି (ସୋମବାର ଦିନ) କରାଯିବ । ଏଥିନିମନ୍ତେ ଶନିବାର ଚିଲିକା ଉନ୍ନୟନ କର୍ତ୍ତୃପକ୍ଷଙ୍କ ସମ୍ମିଳନୀ କକ୍ଷରେ ଏକ ପ୍ରସ୍ତୁତି ବୈଠକ ଓ ତାଲିକ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଚିଲିକା ଡିଏଫଓ ଆଲୋକ ରଞ୍ଜନ ହୋତା ଓ ବମ୍ବେ ନାଚୁରାଲ୍ ହିଷ୍ଟ୍ରି ଆଣ୍ଡ ସୋସାଇଟର ଉପ ନିଦେ୍ର୍ଧଶକ ଏସ୍ ବାଲଚନ୍ଦ୍ରନଙ୍କ ମିଳିତ ନେତୃତ୍ୱରେ ପକ୍ଷୀ ଗଣନା ନିମନ୍ତେ ସମସ୍ତ ପ୍ରସ୍ତୁତି ଶେଷ ହୋଇଛି । ଚଳିତବର୍ଷ ଚିଲିକା ପକ୍ଷୀଗଣନା କାର୍ଯ୍ୟରେ ୧୫୦ଜଣ ନିୟୋଜିତ ହେବେ ବୋଲି ନିଷ୍ପତ୍ତି ହୋଇଛି । ଏହି ପ୍ରସ୍ତୁତି ବୈଠକରେ ଚିଲିକା ଉନ୍ନୟନ ବିଭାଗର ଅତିରିକ୍ତ ଅଧିକାରୀ ସମ୍ରାଟ ଗୌଡ଼, ଏସିଏଫ୍ ବିନୋଦ ଆଚାର୍ଯ୍ୟ, ମିହିର ଜେନା, ଫଣି ନନ୍ଦ, ମଙ୍ଗଳାଯୋଡ଼ି ପକ୍ଷୀ ସୁରକ୍ଷା ଟ୍ରଷ୍ଟ ସଭ୍ୟ ଆଶିଷ ଜେନା, ଅନୀତା ପଣ୍ଡା, ସଞ୍ଜୟ ରାଉତ ଓ ବରେନ୍ଦ୍ର ମହାନ୍ତି ପ୍ରମୁଖ ଯୋଗଦେଇଥିଲେ । ବାଲୁଗାଁ, ଟାଙ୍ଗୀ, ଚିଲିକା, ରମ୍ଭା ଓ ସାତପଡ଼ା ରେଞ୍ଜକୁ ନେଇ ଚିଲିକା ଗଠିତ ହୋଇଥିବା ବେଳେ ୨୧ଟି ଦଳକୁ ନେଇ ଚିଲିକାର ସମସ୍ତ ଅଞ୍ଚଳରେ ପକ୍ଷୀଗଣନା କରାଯିବ ବୋଲି ଡିଏଫ୍ଓ ଶ୍ରୀ ହୋତା କହିଛନ୍ତି ।
ସୋମବାର ଭୋର ୫ଟାରୁ ମଧ୍ୟାହ୍ନ ୧୨ଟା ପର୍ଯ୍ୟନ୍ତ ଗଣତି କାର୍ଯ୍ୟ ଶେଷ ହେବା ପରେ ମଧ୍ୟାହ୍ନ ୧ଟାରୁ ୫ଟା ମଧ୍ୟରେ ପକ୍ଷୀ ଗଣନା ସଂପର୍କରେ ସମୀକ୍ଷା କରାଯାଇ ଫଳାଫଳ ଘୋଷଣା କରାଯିବ ବୋଲି ବିଭାଗୀୟ କତ୍ତୃର୍ପକ୍ଷଙ୍କ ଠାରୁ ଜଣାପଡ଼ିଛି ।
ଗତବର୍ଷ ଅପେକ୍ଷା ଚିଲିକାରେ ବିଦେଶାଗତ ପକ୍ଷୀଙ୍କ ସଂଖ୍ୟା ବୃଦ୍ଧି ପାଇଥିବା ଡିଏଫ୍ଓ ଶ୍ରୀ ହୋତା ପ୍ରକାଶ କରିଥିବା ବେଳେ ଓୟୁଏଟିର ଛାତ୍ରଛାତ୍ରୀ, ୱାଇଲ୍ଡ ଲାଇଫ୍, ଓଡ଼ିଶାର ସଭ୍ୟ ଓ ଡବ୍ଲ୍ୟଡବ୍ଲ୍ୟଏଫର ସଦସ୍ୟମାନେ ଏହି କାର୍ଯ୍ୟକ୍ରମରେ ସାମିଲ୍ ହୋଇଛନ୍ତି ବୋଲି ଶ୍ରୀ ହୋତା ସୂଚନା ଦେଇଛନ୍ତି ।
