‘ଷ୍ଟି୍ରଟ୍ ଡ୍ୟାନ୍ସର’କୁ ଟକ୍କର ଦେବ ‘ପଙ୍ଗା’
‘ଷ୍ଟି୍ରଟ୍ ଡ୍ୟାନ୍ସର’କୁ ଟକ୍କର ଦେବ ‘ପଙ୍ଗା’
admin
3795
ଭୁବନେଶ୍ୱର - ଫ୍ରାଇଡେ ରିଲିଜ ଅବସରରେ ବଲିଉଡରେ ମୁକ୍ତିଲାଭ କରିବାକୁ ଯାଉଛି ଦୁଇଟି ହିନ୍ଦୀ ସିନେମା । ଗୋଟିଏ ହେଲା ଡ୍ୟାନ୍ସ ଆଧାରିତ ଫିଲ୍ମ ‘ଷ୍ଟି୍ରଟ୍ ଡ୍ୟାନ୍ସର’ ଏବଂ ଅନ୍ୟଟି ସ୍ପୋର୍ଟସ ଡ୍ରାମା ଫିଲ୍ମ ‘ପଙ୍ଗା’ । ଦୁଇଟି ଯାକ ମଧ୍ୟରେ କଡା ଟକ୍କର ହେବା ସହ ଦୁହେଁ ବକ୍ସ ଅଫିସରେ ଅଜୟ ଦେବଗାନଙ୍କ ଫିଲ୍ମ ତାନାଜୀ ସହିତ ଲଢ଼ିବେ । ଟି ସିରିଜ ଏବଂ ରେମୋ ଡିସୋଜା ଏଣ୍ଟରଟେନମେଣ୍ଟ ବ୍ୟାନରରେ ନିର୍ମିତ ହୋଇଥିବା ‘ଷ୍ଟି୍ରଟ ଡ୍ୟାନ୍ସର’ ସିନେମାରେ ପ୍ରଯୋଜନା କରିଛନ୍ତି ଭୂଷଣ କୁମାର, କି୍ରଷ୍ଣନ କୁମାର ଏବଂ ଲିଜଲ ଡିସୁଜା । ଏଥିରେ ବରୁଣ ଧାୱନ, ଶ୍ରଦ୍ଧା କପୁର, ପ୍ରଭୁ ଦେବା ଏବଂ ନୋରା ଫତେହିଙ୍କ ଭଳି ଷ୍ଟାର ଅଭିନୟ କରିଥିବା ବେଳେ ସଙ୍ଗୀତ ସଂଯୋଜନା କରିଛନ୍ତି ସଚ୍ଚିନ-ଜିଗର, ତନିଷ୍କ ବାଗଚୀ, ବାଦଶା ଏବଂ ଗୁରୁ ରାନ୍ଧୱା । ନୃତ୍ୟ ପ୍ରତିଯୋଗିତାକୁ ନେଇ ଏହାର କାହାଣୀ ଗତିଶୀଳ ହୋଇଛି । କିଛି ଭାରତୀୟ ଓ ପାକିସ୍ତାନୀ ନୃତ୍ୟଶିଳ୍ପୀଙ୍କ ମଧ୍ୟରେ ଏହି ପ୍ରତିଯୋଗିତା ହୋଇଛି । ଏହା ୨୦୧୫ ରେ ନିର୍ମିତ ‘ଏବିସିଡି-୨’ ରେ ସିକ୍ୱେଲ । ଏଥିରେ ୬ଟି ଗୀତ ଥିବା ବେଳେ ‘ମୁବାବାଲା’ ଗୀତରେ ପ୍ରଭୁଦେବାଙ୍କ ଜବରଦସ୍ତ ଡ୍ୟାନ୍ସ ଦେଖିବାକୁ ମିଳିଛି । ଦର୍ଶକ ଫିଲ୍ମର ଟ୍ରେଲରକୁ ପସନ୍ଦ କରିଥିବା ବେଳେ ବିଶେଷଜ୍ଞମାନେ କହିଛନ୍ତି ସିନେମାଟି ପ୍ରଥମ ଦିନରେ ୧୫ କୋଟି ଟଙ୍କା ରୋଜଗାର କରିବ । ଏହା ଭାରତର ୩ ହଜାର ସ୍କି୍ରନରେ ପ୍ରଦର୍ଶିତ ହେବ । ସେହିପରି ଅଶ୍ୱିନୀ ଆୟର ତିୱାରୀଙ୍କ ନିଦେ୍ର୍ଧଶନାରେ ଫକ୍ସ ଷ୍ଟାର ଷ୍ଟୁଡିଓଜ ବ୍ୟାନରରେ ନିର୍ମାଣ ହୋଇଛି ଫିଲ୍ମ ‘ପଙ୍ଗା’ । ଏହାର ଲିଡରେ କଙ୍ଗନ ରାଣାୱତ ଥିବା ବେଳେ ଜସି ଗିଲ, ରିଚା ଚଢ଼ା, ନୀନା ଗୁପ୍ତା କଳାକାର ରହିଛନ୍ତି । ଏହାର କାହାଣୀ ଜଣେ କବାଡ଼ି ଖେଳାଳିଙ୍କ ଉପରେ ଆଧାରିତ ରହିଛି । ଏଥିରେ ୬ଟି ଗୀତ ଥିବା ବେଳେ ଏହାର ଗୀତ ରଚନା କରିଛନ୍ତି ଜାଭେଦ ଅଖତର ଏବଂ ସଙ୍ଗୀତ ସଂଯୋଜନା କରିଛନ୍ତି ଶଙ୍କର-ଏହସାନ-ଜୟ । ବିତ୍ତ ବିଶେଷଜ୍ଞଙ୍କ ମତ ଅନୁସାରେ ଏହି ସିନେମାଟି ପ୍ରଥମ ଦିନ ୫ କୋଟି ଟଙ୍କା ରୋଜଗାର କରିବ । ଏହାର ଟ୍ରେଲର ବହୁତ ଭଲ ଥିଲେ ବି ଏହା ଏକ ନିର୍ଦ୍ଧିଷ୍ଟ ବର୍ଗର ଦର୍ଶକ ପାଇଁ ହୋଇଥିବା ମତ ରଖିଛନ୍ତି । ତେବେ କିଏ କେତେ ରୋଜଗାର କରିବ ତାହା ରିଲିଜ ପରେ ଜଣାପଡ଼ିବ ।
