୧୨ ଓଏଏସ୍ ଅଫିସରଙ୍କ ବଦଳି
୧୨ ଓଏଏସ୍ ଅଫିସରଙ୍କ ବଦଳି
admin
5696
ଭୁବନେଶ୍ୱର : ଗତକାଲି ଆଇଏଏସ ସ୍ତରରେ ସରକାର ବଡ଼ ଧରଣର ଅଦଳବଦଳ କରିବା ପରେ ଆଜି ଓଏଏସ୍ ସ୍ତରରେ ଅଦଳ ବଦଳ କରିଛନ୍ତି । ରାଜସ୍ୱ ପର୍ଷସ ଅଧୀନସ୍ଥ ଭୁବନେଶ୍ୱରର ଅତିରିକ୍ତ ଡିଭିଜନାଲ କୋର୍ଟରେ ଅତିରିକ୍ତ କମିସନର ଥିବା ମୁରଲୀଧର ମଲ୍ଲିକଙ୍କୁ ଗୃହ ବିଭାଗର ସ୍ୱତନ୍ତ୍ର ସଚିବ ଭାବେ ନିଯୁକ୍ତି ଦିଆଯାଇଛି । ତାଙ୍କ ସ୍ଥାନକୁ ଆସିଛନ୍ତି ବର୍ତ୍ତମାନ ଗୃହ ବିଭାଗର ସ୍ୱତନ୍ତ୍ର ସଚିବ ଥିବା ଶୁଭକାନ୍ତି ମିଶ୍ର । କଟକ ମହାନଗର ନିଗମର ଅତିରିକ୍ତ କମିସନର ଜୟନ୍ତ ନାରାୟଣ ଷଡଙ୍ଗୀଙ୍କୁ ଉଚ୍ଚଶିକ୍ଷା ବିଭାଗର ଅତିରିକ୍ତ ସଚିବ ତଥା ଓଡ଼ିଶା ବିଶ୍ୱ ବିଦ୍ୟାଳୟା ଓଏସଡି ଭାବେ ନିଯୁକ୍ତି ଦିଆଯାଇଛି ।
ଭବାନୀପାଟଣା ଉପଜିଲ୍ଲାପାଳ ମିର୍ଦ୍ଧା ଟୋପୋଙ୍କୁ ବରଗଡ଼ର ଏଡିଏମ ଭାବେ ବଦଳି କରାଯାଇଛି । ପୁରୀର ଏଡିଏମ ବିନୟ କୁମାର ଦାଶଙ୍କୁ ସେଠାରେ ଏଡିଏମ (ଆର୍ ଆଣ୍ଡ ଆର) ଭାବେ ନିଯୁକ୍ତି ମିଳିଛି । ନୟାଗଡ଼ ଡିଆରଡିଏ ପ୍ରକଳ୍ପ ନିର୍ଦ୍ଦେଶକ ଅନାମ ଚରଣ ପାତ୍ରଙ୍କୁ ଗଞ୍ଜାମ ଆରଆଇସି ମହାପ୍ରବନ୍ଧକ ଭାବେ ବଦଳି କରାଯାଇଛି । ସେଠାରେ ଥିବା ସୂର୍ଯ୍ୟ ମାଧବ ପାଣିଗ୍ରାହୀଙ୍କୁ ଗଞ୍ଜାମ କୋରାପୁଟ ମେଜର ସେଟେଲମେଣ୍ଟର ଅତିରିକ୍ତ କମିସନର ଭାବେ ନିଯୁକ୍ତି ମିଳିଛି । ରାଜସ୍ୱ ବିଭାଗର ଯୁଗ୍ମ ସଚିବ ବ୍ରହ୍ମାନନ୍ଦ ବେହେରାଙ୍କୁ ରାଜସ୍ୱ ପର୍ଷଦର ଯୁଗ୍ମ ସଚିବ ଭାବେ ନିଯୁକ୍ତି ଦିଆଯାଇଛି । ଶ୍ରମ ବିଭାଗର ଯୁଗ୍ମ ସଚିବ ପ୍ରଦୀପ କୁମାର ସାହୁଙ୍କୁ ପୁରୀ ଏଡିଏମ ଭାବେ ନୂଆ ନିଯୁକ୍ତି ମିଳିଛି । ବରଗଡ଼ ଜିଲ୍ଲାର ଭାଟଲି ତହସିଲଦାର ଅଞ୍ଜଲୀନା ପ୍ରଧାନଙ୍କୁ ଭିମସାରରେ ପ୍ରଶାସନିକ ଅଧିକାରୀ ଭାବେ ବଦଳି କରାଯାଇଛି । ନୂଆଦିଲ୍ଲୀସ୍ଥିତ ଆବାସିକ କମିସନରଙ୍କ କାର୍ଯ୍ୟାଳୟର ଉପ ଆବସିକ କମିସନର ବସନ୍ତ କୁମାର ହୋତା ଗୃହ ବିଭାଗର ଉପସଚିବ ଭାବେ ନିଯୁକ୍ତି ପାଇଛନ୍ତି । ସରକାରୀ ଉଦ୍ୟୋଗ ବିଭାଗର ଉପସଚିବ ସୁମିତ୍ରା ସିଂହଙ୍କୁ କଟକସ୍ଥିତ ଶିଶୁଭବନର ପ୍ରଶାସନିକ ଅଧିକାରୀ ଭାବେ ନିଯୁକ୍ତି ମିଳିଛି ।
