ଭାରତ ଚାପରେ କୂଳଭୂଷଣଙ୍କ ପାଇଁ ଆଇନ ପରିବର୍ତ୍ତନ କରାଯିବନି : ପାକିସ୍ତାନ
ଭାରତ ଚାପରେ କୂଳଭୂଷଣଙ୍କ ପାଇଁ ଆଇନ ପରିବର୍ତ୍ତନ କରାଯିବନି : ପାକିସ୍ତାନ
admin
6023
ଇସଲାମାବାଦ : ପାକିସ୍ତାନ ଜେଲରେ ରହିଥିବା ପୂର୍ବତନ ଭାରତୀୟ ନୌସେନା ଅଧିକାରୀ କୂଳଭୂଷଣ ଯାଦବଙ୍କ ମୁକୁଳିବାକୁ ନେଇ ପାକିସ୍ତାନ ପକ୍ଷରୁ ବଡ ବୟାନ ଦିଆଯାଇଛି । ଭାରତ ପକ୍ଷରୁ ଅନ୍ତର୍ଜାତୀୟ ଚାପ ପକାଯାଉଥିଲେ ମଧ୍ୟ ପାକିସ୍ତାନ ଏହାର ଅନ୍ତରୀଣ ନିୟମରେ ପରିବର୍ତ୍ତନ କରିବ ନାହିଁ ବୋଲି କହିଛି । ଭାରତ ପକ୍ଷରୁ କୂଳଭୂଷଣଙ୍କ ପାଇଁ କାଉନସେଲ ଦାବି କରାଯାଉଥିବା ବେଳେ ପାକିସ୍ତାନ ବୈଦେଶିକ ମନ୍ତ୍ରାଳୟ ପକ୍ଷରୁ ଏହାକୁ ଖାରଜ କରାଯାଇଛି । ପାକିସ୍ତାନ ବୈଦେଶିକ ମନ୍ତ୍ରାଳୟ ମୁଖପାତ୍ର ବୟାନ ଦେଇ କହିଛନ୍ତି ପାକିସ୍ତାନ ଏହି ମାମଲାରେ ନିଜର ପକ୍ଷ ରଖି ସାରିଛି । ଭାରତ କିମ୍ବା କୌଣସି ଅନ୍ତର୍ଜାତୀୟ ଚାପ ଆଗରେ ମୁଣ୍ଡ ନୁଆଁଇ ନିଜର ଅନ୍ତରୀଣ ନିୟମରେ ପରିବର୍ତ୍ତନ କରାଯିବ ନାହିଁ ବୋଲି ପ୍ରବକ୍ତା ଜାହିଦ ହଫିଜ ଚୌଧୁରୀ କହିଛନ୍ତି । ଏହା ସହିତ ଏହି ମାମଲାରେ ପାକିସ୍ତାନ ଅଦାଲତ ସହିତ ଭାରତକୁ ସହଯୋଗ କରିବାକୁ ପଡିବ ବୋଲି କୁହାଯାଇଛି । ଏହା ସହିତ ଭାରତୀୟ ସିଡିଏସ ବିପିନ ରାୱତଙ୍କ ପାକ ବିରୋଧୀ ମନ୍ତବ୍ୟକୁ ମଧ୍ୟ ନିନ୍ଦା କରାଯାଇଛି । ଜଣେ ସେନାମୁଖ୍ୟଙ୍କ ଏଭଳି ବିଜେପି-ଆରଏସଏସ ପରି ଚରମପନ୍ଥୀ ଆଭିମୁଖ୍ୟ ଗ୍ରହଣୀୟ ନୁହେଁ ବୋଲି ହଫିଜ ମତ ଦେଇଛନ୍ତି ।
