ବିହାର ନିର୍ବାଚନ ଲାଗି ଏନ୍ଡିଏର ଆସନ ଭାଗବଣ୍ଟା : ଜାଣନ୍ତୁ କାହାକୁ ମିଳିଲା କେତେ ସିଟ୍
ବିହାର ନିର୍ବାଚନ ଲାଗି ଏନ୍ଡିଏର ଆସନ ଭାଗବଣ୍ଟା : ଜାଣନ୍ତୁ କାହାକୁ ମିଳିଲା କେତେ ସିଟ୍
admin
2147
ପାଟନା : ବିହାର ନିର୍ବାଚନ ଲାଗି ଏନ୍ଡିଏର ଆସନ ଭାଗବଣ୍ଟା ଘୋଷଣା ହୋଇଛି । ଔପଚାରିକ ଭାବେ ଏହି ଘୋଷଣା କରାଯାଇଛି । ୨୪୩ ବିଶିଷ୍ଟ ବିହାର ବିଧାନସଭା ମିଳିଥିବା ସୂଚନା ଅନୁସାରେ ଜେଡିୟୁକୁ ୧୨୨ଟି ଆସନର ପ୍ରାର୍ଥୀ ଦେବ ବୋଲି ଘୋଷଣା କରାଯାଇଛି । ତେବେ ଜେଡିୟୁ ନିଜ କୋଟାରୁ ଜୀତନରାମ ମାଝୀଙ୍କ ଦଳକୁ ୭ଟି ଆସନ ଦେବ ବୋଲି ଘୋଷଣା କରିଛି । ଏହିପ୍ରକାରେ ଜେଡିୟୁ ୧୧୫ଟି ଆସନରେ ନିର୍ବାଚନ ଲଢିବ । ସେହିପରି ବିଜେପିକୁ ୧୨୧ଟି ଆସନରେ ନିର୍ବାଚନ ଲଢିବାକୁ ନିଷ୍ପତ୍ତି ହୋଇଛି । ବିଜେପି ନିଜ କୋଟାରୁ ମୁକେଶ ସହନୀଙ୍କ ବିକାଶଶୀଳ ଇନସାନ ଦଳକୁ ୯ଟି ଆସନ ଦେବ ବୋଲି ସୂଚନା ରହିଛି । ଏହି ପ୍ରକାରେ ବିଜେପି ୧୧୨ଟି ଆସନରେ ନିର୍ବାଚନ ଲଢିବ ବୋଲି ସୂଚନା ରହିଛି । ବିହାରରେଏନ୍ଡିଏର ଆସନ ଭାଗବଣ୍ଟାକୁ ନେଇ ନୀତିଶ କୁମାର ଔପଚାରିକ ଘୋଷଣା କରିଛି । ନୀତିଶକୁମାରଙ୍କ ନେତୃତ୍ବରେ ଏନ୍ଡିଏ ବିହାର ନିର୍ବାଚନ ଲଢିବାକୁ ଯାଉଛି ।
ସୂଚନାଯୋଗ୍ୟ, ରାଜ୍ୟରେ ଅକ୍ଟୋବର ୨୮ରୁ ପ୍ରଥମ ପର୍ୟ୍ୟାୟ ଭୋଟ୍ ଗ୍ରହଣ ଅନୁଷ୍ଠିତ ହେବ । ଚଳିତ ଥର ନୀତିଶ୍ କୁମାରଙ୍କ ନେତୃତ୍ବରେ ଏନଡିଏ ନିର୍ବାଚନ ମଇଦାନକୁ ଓହ୍ଲାଇଥିବାବେଳେ ବିପକ୍ଷରେ ରହିଛନ୍ତି ତେଜସ୍ବୀଙ୍କ ନେତୃତ୍ବାଧୀନ ମହାମେଣ୍ଟ । ମହାମେଣ୍ଟରେ ଆରଜେଡି ୧୪୪ଟି ଆସନରେ କଂଗ୍ରେସ ୭୦ଟି ଆସନ ଓ ବାମଦଳକୁ ୨୯ଟି ଆସନରେ ନିର୍ବାଚନ ଲଢିବେ । ଅପରପକ୍ଷରେ ନିର୍ବାଚନ ପୂର୍ବରୁ ଏନ୍ଡିଏ ଅନ୍ୟତମ ସହଯୋଗୀ ଏଲ୍ଜେପି ନିଜକୁ ଏନ୍ଡିଏରୁ ଅଲଗା କରିଛି । ଚଳିତ ଥର ଏଲ୍ଜେପି ଏକାକୀ ନିର୍ବାଚନ ଲଢିବ ବୋଲି ସୂଚନା ରହିଛି । ଏଲ୍ଜେପିର ଅଧ୍ୟକ୍ଷ ଚିରାଗ ପାଶଓ୍ବାନ୍ ୧୪୩ଟି ଆସନରେ ପ୍ରାର୍ଥୀ ଦେବେ ବୋଲି ଘୋଷଣା କରିଛି । ତେବେ ଏଲ୍ଜେପି ବିଜେପିର ପ୍ରାର୍ଥୀଙ୍କୁ ସମର୍ଥନ ଦେବ ବୋଲି ସୂଚନା ରହିଛି । ତିନି ପର୍ୟ୍ୟାୟ ବିଶିଷ୍ଟ ବିହାର ନିର୍ବାଚନର ପରିଣାମ ନଭେମ୍ବର ୧୦ ତାରିଖରେ ଘୋଷିତ ହେବ ।
