ବିଧାନସଭା ନିର୍ବାଚନମଣ୍ଡଳୀ ପାଇଁ ପ୍ରଭାରୀ ନିଯୁକ୍ତ କଲା କଟକ ଜିଲ୍ଲା କଂଗ୍ରେସ
ବିଧାନସଭା ନିର୍ବାଚନମଣ୍ଡଳୀ ପାଇଁ ପ୍ରଭାରୀ ନିଯୁକ୍ତ କଲା କଟକ ଜିଲ୍ଲା କଂଗ୍ରେସ
admin
ଏନେଇ କଟକ ଜିଲ୍ଲା କଂଗ୍ରେସ ସଭାପତି ମାନସ ଚୌଧୁରୀ କହିଛନ୍ତିଯେ, ବିଧାନସଭା ନିର୍ବାଚନମଣ୍ଡଳୀ ପାଇଁ ନିଯୁକ୍ତ ପ୍ରଭାରୀ ଓ ସହପ୍ରଭାରୀମାନେ ପଞ୍ଚାୟତ ଓ ଓ୍ବାର୍ଡ ଗସ୍ତ କରି କଂଗ୍ରେସକୁ ସୁସଂଗଠିତ କରିବେ । ବିଭିନ୍ନ ଦଳୀୟ କାର୍ଯ୍ୟକ୍ରମର ସଫଳ ରୂପାୟନ କରିବେ । ପ୍ରଭାରୀମାନେ ନିର୍ବାଚନମଣ୍ଡଳୀ ଗସ୍ତ କରିବା ପୂର୍ବରୁ ଲୋକସଭା ଓ ବିଧାନସଭା ପ୍ରାର୍ଥୀ , ବ୍ଲକ ଓ ନଗର କଂଗ୍ରେସ ସଭାପତି, ବରିଷ୍ଠ କଂଗ୍ରେସ ନେତା, ଛାମୁଆ ସଂଗଠନର ସଭାପତିମାନଙ୍କୁ ଅବଗତ କରାଇବାକୁ ଶ୍ରୀ ଚୌଧୁରୀ ନିର୍ଦ୍ଦେଶ ଦେଇଛନ୍ତି ।
ବାଙ୍କୀ ପାଇଁ ମାନସ ରଞ୍ଜନ ପ୍ରଧାନଙ୍କୁ ପ୍ରଭାରୀ ଭାବେ ନିଯୁକ୍ତ କରାଯାଇଥିବା ବେଳେ ସହ ପ୍ରଭାରୀ ଭାବେ ରାଜେଶ କୁମାର ସ୍ବାଇଁ, କେଦାରନାଥ ସାହୁ ଓ ଅନିରୁଦ୍ଧ ଦାସଙ୍କୁ ଦାୟିତ୍ବ ମିଳିଛି । ସେହିପରି ଆଠଗଡ ପାଇଁ କୁବେର ଚୌଧୁରୀ ପ୍ରଭାରୀ ହୋଇଥିବାବେଳେ ଦେବରାଜ ଜେନା, ରତ୍ନାକର ପରିଡା, ସରୋଜ କୁମାର ସାହୁ ଓ ଅକ୍ଷୟ କୁମାର କରଣ ସହ ପ୍ରଭାରୀ ହୋଇଛନ୍ତି ।
ଅପରପକ୍ଷରେ ବଡମ୍ବା ପାଇଁ ଅକ୍ଷୟ ଟୁଙ୍ଗ ସାମନ୍ତ ପ୍ରଭାରୀ, ଅହମ୍ମଦ ଖାନ ଓ ତନ୍ମୟ ପରିଜାଙ୍କୁ ସହ ପ୍ରଭାରୀ ଭାବେ ନିଯୁକ୍ତ କରାଯାଇଛି ।
ପ୍ରବୀଣ କାନୁନଗୋ ସାଲେପୁର ବିଧାନସଭା ନିର୍ବାଚନ ମଣ୍ଡଳୀର ପ୍ରଭାରୀ ହୋଇଥିବାବେଳେ ସହପ୍ରଭାରୀ ହୋଇଛନ୍ତି ରାଜଶିଖନ ସ୍ବାଇଁ ଓ ରଶ୍ମୀକାନ୍ତ ସାମଲ । ମାହାଙ୍ଗା ପ୍ରଭାରୀ ଭାବେ ଶଶୀକାନ୍ତ ଲେଙ୍କାଙ୍କୁ ନିଯୁକ୍ତ କରାଯାଇଥିବା ବେଳେ ସହ ପ୍ରଭାରୀ ଭାବେ ସୁରେନ୍ଦ୍ର ମହାରଣା, ଅଜିତ କୁମାର ପଣ୍ଡା, ସେଖ ନକିଭ ଅହମ୍ମଦଙ୍କୁ ଦାୟିତ୍ବ ଦିଆଯାଇଛି ।
ସମରେନ୍ଦ୍ର ହାତୀ କଟକ ସଦର ପ୍ରଭାରୀ ହୋଇଥିବାବେଳେ ପ୍ରତାପ ଚନ୍ଦ୍ର ପରିଡା, ଦେବରାଜ ବୈଥାଳୁ ଓ ସଞ୍ଜୟ କୁମାର ବିଶୋୟୀ ସହ ପ୍ରଭାରୀ ହୋଇଛନ୍ତି । ଯେତେବେଳେକି କଟକ ଚୌଦ୍ବାର ପ୍ରଭାରୀ ଭାବେ ମନୋଜ ବିଶ୍ବାଳ, ସହପ୍ରଭାରୀ ଭାବେ ସୁକାନ୍ତ ସାହାଣୀ, ଭାସ୍କର ବେହେରା, ରଞ୍ଜନ ସେନାପତି ଓ ମନୋରମା ପାତ୍ରଙ୍କୁ ଦାୟିତ୍ବ ମିଳିଛି । ନିଆଳି ପ୍ରଭାରୀ ଭାବେ ଦୁର୍ଗା ଦାଶ, ସହପ୍ରଭାରୀ ଭାବେ ଅଲେଖ ଚନ୍ଦ୍ର ବେହେରା, ଶିଶିର ରଥ ଓ ଉଗ୍ରେସନ ଭୂୟାଁଙ୍କୁ ନିଯୁକ୍ତ କରାଯାଇଛି ।
କଟକ ଜିଲ୍ଲା କଂଗ୍ରେସ ଅଫିସ ଦାୟିତ୍ବ ସମରେନ୍ଦ୍ର ହାତି, ମନୋଜ ବିଶ୍ବାଳ, ଶିଶିର ରଥ, ରାଜେଶ ସ୍ବାଇଁ, ସଚ୍ଚିଦାନନ୍ଦ ରାଉତ ଓ ସଦାଶିବ ବାରିକଙ୍କ ହାତରେ ନ୍ୟସ୍ତ କରାଯାଇଛି । ଅପରପକ୍ଷରେ ମାସିକ ରିପୋର୍ଟିଂ ଟିମରେ ପ୍ରବୀନ କୁମାର କାନୁନଗୋ, ରାଜେଶ ମୋହନା, ପ୍ରଦ୍ୟୁମ୍ନ ଆଚାର୍ଯ୍ୟ ରହିଛନ୍ତି ।
