ପ୍ରବଳ ବର୍ଷା ଯୋଗୁଁ ଜନଜୀବନ ଠପ୍
ପ୍ରବଳ ବର୍ଷା ଯୋଗୁଁ ଜନଜୀବନ ଠପ୍
admin
4230
ଭୁବନେଶ୍ୱର : ଲଘୁଚାପ ପ୍ରଭାବରେ ସାରା ରାଜ୍ୟରେ ଲଗାଣ ବର୍ଷା ଜାରି ରହିଛି । ତେବେ ମାଲକାନାଗିରି ଓ ଗଞ୍ଜାମ ଜିଲ୍ଲାରେ ପ୍ରବଳ ବର୍ଷା ହେବାରୁ ଜନଜୀବନ ଏକରକମ ଠପ ହୋଇଯାଇଛି । ଅନେକ ସ୍ଥାନରେ ଜଳାର୍ଣ୍ଣବ ସ୍ଥିତି ସୃଷ୍ଟି ହୋଇଥିବାରୁ ଗମନାଗମନ ମଧ୍ୟ ବାଧାପ୍ରାପ୍ତ ହୋଇଛି । ଯିବା ଆସିବା ସମ୍ଭବପର ହେଉନଥିବାରୁ ମାଲକାନାଗିରି ଓ ଗଞ୍ଜାମ ଜିଲ୍ଲାରେ ସ୍କୁଲକୁ ମଧ୍ୟ ଛୁୂଟି କରି ଦିଆଯାଇଛି ।
ମିଳିଥିବା ସୂଚନାନୁଯାୟୀ, ମାଲକାନାଗିରି ଜିଲ୍ଲାରେ ସବୁ ନଦୀର ଜଳସ୍ତର ବୃଦ୍ଧି ପାଇବାରେ ଲାଗିଛି । କୋରକୋଣ୍ଡା, କାଙ୍କରକୋଣ୍ଡା ଓ ଏମଭି ୩୭ଠାରେ ପୋଲ ଉପରେ ଚାରି ପାଂଚ ଫୁଟ ପାଣି ପ୍ରବାହିତ ହେଉଛି । ଅଧିକାଂଶ ରାସ୍ତା ଉପରେ ବି ପାଣି ଚାଲୁଥିବା ଦେଖିବାକୁ ମିଳିଛି ।
ଅପରପକ୍ଷରେ ଗଞ୍ଜାମର ବ୍ରହ୍ମପୁର ସହରରେ ବର୍ଷା ଯୋଗୁଁ ସ୍ଥିତି ବେହାଲ ହୋଇଯାଇଛି । ଗଜପତିନଗର, ବ୍ରଜନଗର, ପ୍ରେମ ନଗର ଓ ଗେଟ ବଜାରରେ ପାଣି ଜମି ରହିଥିବାରୁ ଜନଜୀବନ ଠପ ହୋଇଯାଇଛି ।
